Page 61 - Иван Мигалкин Күн таммаҕын ыһыспыт дьылҕалар

диэн баҕа санаалааҕым. Ол ыра санаам туолан, 1993 сыл-
лаахха Семен Петрович Мытааҕар тиийэммин, кини си-
ригэр-уотугар сүгүрүйбүтүм! Онтон балтараа сыл иһигэр
өссө икки төгүл сылдьаммын кини иннигэр буруйдарбын
Мытаах сириттэн-уотуттан бырастыы гынарыгар көр-
дөспүтүм! Семен Петрович Ытык уҥуоҕар бэйэбин киһи-
лии Киһинэн ааҕыннахпына, олохпор тугу эрэ оҥорон хаал-
ларан эрэбин диэн санаатахпына, сылдьан сүгүрүйэр, Ки-
ниттэн бырастыы гынарыгар көрдөһөр санаалаахпын.
1984 сыл балаҕан ыйын чаҕыл күннэриттэн биирдэстэ-
ригэр, Семен Петрович огдообото Анна Семеновна Ленин
болуоссатын автобуһун тохтобулугар миигин көрөн хому-
руйан ааспыта:
— Уйбаан, оҕонньорум баарыгар өрүү сылдьар буола-
рыҥ, бэлиэр умуннуҥ дуу?
Туох да диэн хоруйдуохпун билбэккэ турдахпына, Анна
Семеновна баран хаалбыта. Бу этиллибит тыллар билигин
да сытыы быһах биитинии, сүрэхпин аалаллар... Семен
Петровиһы хаһан да умнубаппын, умнуом да суоҕа! Семен
Петрович уһулуччулаах поэт уонна киһи буоларын кини
өлбүтүн кэннэ биирдэ өйдөөбүтүм! Тыыннааҕар кинини
ураты талааннаах, уһулуччулаах киһи курдук көрбөтөҕүм
хомолтолоох!
Оҕомсох буолан миэхэ үчүгэйдик сыһыаннаһар эрэ диэн
саныырым, араас баракааспын билэ-билэ атаахтатарын
өйдүүрүм. Атаахтатарын билэр буоламмын, кини аатыт-
тан куттаммакка, телеграмма оҕустаҕым...
Семен Петрович оччотооҕу аатырар суруйааччылар,
общественнай деятеллэр ортолоругар бииргэ батыһынна-
ран илдьэ сылдьыыта — наар үөрэтэр, дьонтон, олохтон
кэрэтин өйдүүргэ уһуйар, онтон бэйэтин дневниктэрин
кытта билиһиннэриитэ — дириҥ психологическай, фило-
софскай толкуйдааҕын сыл-хонук ааспытын кэннэ биирдэ
өйдөөтүм. Онон, олох эҥин эгэлгэ оонньуутун сатаан көрөргө
харахпын аспыт киһинэн Семен Петрович Данилов буолар.
С.П.Данилов биир да бырааһынньыгы көтүппэккэ эҕэр-
дэлиирэ. Онтон сороҕун кытта билиһиннэрдэххэ:
“Ваня!
Маай сырдык, үрдүк күнүнэн эйиигин уруйдуубун! Бу
күн курдук үрдүк уонна сырдык буол!
Миигин З.У. киирэн көрсөөр. Эрдэ эйиэхэ рейспин этэн
телеграммалыам.
Анатолийга, Николай Алексеевичка мин эҕэрдэлэрбин
энчирэппэккэ тиэрдитэлээ. (А.Старостиҥҥа, Н.А.Габышев-
ка.)
Айхалы кытта Сэмэн оҕонньор. 1974 сыл.”

57