Page 71 - Иван Мигалкин Күн таммаҕын ыһыспыт дьылҕалар

айылҕаны кэтээн көрүүтэ, Саха сирин историятын уонна
нуучча, омук литературатын билэрэ — сааһыттан уонна
үөрэҕиттэн, билиититтэн уонна культуратыттан, омугут-
тан тутулуга суох киһиэхэ барытыгар сүрэҕэр тиийэрдик
киирэллэрэ.
Дэлэҕэ да, А.М.Горькай аатынан Литературнай инсти-
тут уопсайыгар Николай Алексеевич олорбут 207 №-дээх
хоһо араас омук суруйааччылара мустар, кэпсэтэр, санаа-
ларын атастаһар, саҥа айымньыларын ааҕан билиһиннэ-
рэр литературнай салоннарыгар, оттон бэйэлэрэ ааттыыл-
ларынан, “штаб-квартираларыгар” кубулуйуо дуо?
Кини 51 сааһын туолан баран, Үрдүкү Литературнай
курска (Высшие Литературные курсы — ВЛК) үөрэммитэ.
Инньэ гынан бэйэтин күлэ-күлэ саамай аҕа саастаах “сту-
денынан” ааттанара.
Бу хоско мин Болгария поэтессата, олус кыраһыабай
дьүһүннээх Валя Радинска, оччотооҕу Союзка киэҥник
биллэр нивх суруйааччыта Владимир Санги, бурят бил-
лиилээх суруйааччыта Африкан Бальбуров уо.д.а. өрүү баар
буолалларын элбэхтэ көрөрүм, кинилэри кытта билсиби-
тим. Манна сааһынан, омугунан, литературнай үлэ иһин
бэриллэр аатынан-суолунан арахсыы суоҕа. Баҕар, эн ге-
ний буол, биитэр улуу, син биир хоско баар дьоннуун
тэҥҥин! Онто, биһиги курдук биир да кинигэтэ суох эдэр
дьону, курдаттыы тардара. Кини хоһугар элбэхтэ сылдьы-
быт, Николай Алексеевич өлгөм астаах-үөллээх остуолу-
гар олорсубут эдэркээн уолаттартан Коля Коняев, Сере-
жа Каратов, Петя Кошель, Андрей Чернов билигин Рос-
сияҕа биллэр суруйааччылар, поэттар буола үүннүлэр.
Кинилэр Николай Габышевы истиҥник ахтар буолуохтаах-
тар. Бу уолаттартан Петя Кошелы аҕыннахха, кини өрүү
киртийбит, сууйуллуу диэни билбэтэх, тырыттан эрэр
джинсы ыстааннааҕа, эмиэ биир оннук свитердээҕэ. Мии-
гин кытта биир курска үөрэнэрэ. Кини омугунан белорус
этэ. Ол эрээри кинини белорустар да, нууччалар да ки-
рин-хоҕун иһин чугаһаппаттара. Наар харчы иэс көрдөөн
тахсара. Ыллаҕына онтун иһэн кэбиһэрэ. Бастакы курс
бүтэһик семестриттэн уһуллубута. Ол да буоллар сылтан
ордук кэмҥэ уопсайга тэйбэҥнээбитэ. Үксүгэр хара килиэ-
би кытта кылыгыр уунан сылдьара. Биһиги курдук хара
омуктар кинини аһынан аһатарбыт, хоннорорбут. Бу сыл-
дьан киһибит сүтэн хаалбыта. Өллөҕө дии санаабыппыт.
Онтубут 4-с дуу, 5-с дуу курска үорэнэрбитигэр “күөрэс”
гына түспүтэ.
Били сиргэнэн чугаһаппатах Петялара, остуоруйаҕа
кэпсэнэринии, киһи киэнэ үтүөтэ буола түспүтэ. Белорус-
67