Page 72 - Иван Мигалкин Күн таммаҕын ыһыспыт дьылҕалар

сия Коммунистическай партиятын Киин Комитетын I сек-
ретара Петр Миронович Машеров күтүөтэ буолан, инсти-
тукка төттөрү ылыллыбыта, хара “Волганан” сылдьар
буолбута. Хоһоонноро “Правда” хаһыакка бэчээттэммит-
тэрэ, Москваҕа квартира ылбыта. Петр Кошель чахчы
поэтическай талааннааҕа, онно эбии сибээһэ көмөлөстөҕө,
омук тылларыгар тылбаастанан барбыта. Кини Союзка
киэнник биллэр, араас сурунаалга бэчээттэнэр кэмигэр
мин республикаҕа буолуохтааҕар, төрөөбүт оройуонум да
хаһыатыгар хоһоон таһааттарар кыаҕым суоҕа... 1986 сыл-
лаахха мааны бэйэлээх биллиилээх поэт Петр Кошелы
ЦДЛ-га (Центральный дом литераторов) көрсө түспүтүм.
Рестораҥҥа киирэн аһаабыппыт. Киһим бастакы ыйытыы-
та Николай Алексеевич доруобуйатын, хайдах сылдьарын
туһунан буолбута. Киниэхэ наһаа махтанарын эппитэ. Н.А.
Габышевтыын көрсөрүм буоллар үс хонук устата дьиэбэр
илдьэммин тугу көрдүүрүнэн маанылыам-күндүлүөм этэ
диэбитэ.
Н.А.Габышев хоһугар суруйааччылартан ураты артис-
тар, художниктар, ученайдар, врачтар олорор буолаач-
чылар. Кинилэри кытта туспа идэлээхтэриттэн иҥнибэккэ,
Николай Алексеевич хайа баҕарар темаҕа бэркэ тапсан,
икки өттүттэн өйдөһөн кэпсэтэллэрэ, мин истээччи эрэ
буоларым уонна онтон тугу өйдөөн хаалбыппын суруйа-
бын. Холобур, эдэр суруйааччы буоллаҕына, айымньытын
аахтаран истэн баран:
— Кытаат, суруйа сырыт, астыма. Саха талааннаах
поэта Семен Данилов студенныы сылдьан, күн ахсын ик-
килии-үстүү хоһоону айар буолара. Онон тылын-өһүн ими-
тэрэ, форманы мускутара. Өйдөө, аатырар скрипач Пага-
нини эппитин: “Үс күн оонньооботорбун — Паганини буо-
луом суох этэ”. Хата, Анатолий Виноградов романнарын
булан аах. Кини “Осуждение Паганини” романыгар Пэга-
нини олоҕун, ис дууһатын олус бэркэ табыллан суруйбут™
Поэзия туһунан мөккүөргэ биирдэ:
— Эмиль Верхарн баар — дьиҥнээх дириҥ поэт. Толо-
РУ соҕус томун булан булгуччу ааҕыыһыккын, — уонна:
Люблю свой острый мозг, огонь своих очей... — диэн, ба-
лачча уһун хоһоону Николай Алексеевич өйтөн ааҕан биэр-
битэ.
Искусство, архитектура туһунан:
— Ленинград — поэма куорат, маннык куорат аан дой-
дуга суох ини. Фольконе пааматынньыгын ылан да көр,
эбэтэр Россини сүдү тутууларын, киһи аймах кэрэ искус-
ствота.
Биир сарсыарда хойутаан тураммын, ыксал бөҕөнөн
68