Page 73 - Иван Мигалкин Күн таммаҕын ыһыспыт дьылҕалар

Николай Алексеевич олорор сэттис этээһигэр таҕыстым.
Арай көрдөхпүнэ, киһим тиэтэйэр сибикитэ биллибэт, мин
ыксаан:
— Николай Алексеевич, хайа барбаппыт дуо? Куотта-
рар буоллубут, сатахха, бүгүн улуу Державин хос сиэнин
профессор Державина лекцията. Кини миигин абааһы көрөр.
Үнүр эһэтин суруйууларын билбэтэҕим. Төрүт аахпатах
поэтым диэн кэбиспитим. Кини сиэнэ буоларын билбитим
эбитэ буоллар, сахалар саамай таптыыр поэттара диэм
этэ...
— Тоойуом, оҕолорбун, чыычаахтарбын аһата иликпин.
(Санаата көтөҕүллэн, таптаан ымманыйар куолаһынан.)
— Кыра оҕолордоох эбиккин дии, бэҕэһээ тугу да эппэ-
тэҕиҥ, аэропортка баран көрсүбэтэҕиҥ ээ. Бүгүн кэллилэр
дуо? (Улаханнык соһуйбутум, кини кыра оҕолоро суоҕун
курдук саныырым.)
— Эс, суох. Балкоммар холууптар кэлэн аһыыр буол-
буттара хас да хонно.
Түннүгү аһан, холууптары көрдөртүү туран:
— Тоойуом, хата туруохтааҕар килиэптэ кыра гына
бытарытыс эрэ, ол сытар быһыыны. Көрбөккүн дуо? Чыы-
чаахтарбын, бу көрөн чоҕулуспут харахтарын, атыыра эр
киһи аатыран, урут дугдуруҥнуур. Хотуна барахсан чо-
нолдьуйан кэм да холку, дьүһүнүн оҥостунар, аччыктаа-
батах курдук туттар ээ, барахсаттары!
Инньэ гынан такси тутан, лекциябытын кыл-мүччү бат-
таспыппыт.
Дойдубутуттан ыраата сылдьар буоламмыт ахтылҕам-
мытын таһааран, Николай Алексеевичтыын киэһэ адьас
хойукка диэри чэй иһэ-иһэ сэһэргэһэрбит:
— Уйбаан, сарсын Илья Глазунов быыстапкатын көрө
барыах эрэ. Эйигин сырытыннараары бүгүн сылдьыбатым.
Аттынан эрэ аастым.
— Ханнык уулуссаҕа буола турарый?
— Институппутуттан адьас чугас. Горькай уулуссаты-
гар.
— “Огонёк” сурунаалга Чили туһунан уруһуйдар баал-
лара. Сальвадор Альенданы кини суруйбута дуо?
— Кини. Художниктар хартыыналарын көрө, өйдүү
үөрэн, идея биэриэхтэрэ. Сорох ардыгар художниктар
бэйэлэрин кэмнэригэр өйдөнөөччүлэрэ суох. Холобур, Ван
Гог тыыннааҕар биир эрэ хартыыната атыыламмыта. Өлбүтэ
хас да сыл буолтун кэннэ, олус улахан сыанаҕа акварела,
живопиһа, уруһуйдара былдьаһыгынан баартара. Онтон
сүүрбэ сыл буолан баран, искусство рыноктарыгар ном-
нуо Ван Гогка подделкалары оҥортуур буолтара.

69