Page 75 - Иван Мигалкин Күн таммаҕын ыһыспыт дьылҕалар

ааҕан көөртүм: О.Генри, Павезе, Фейхтвангер, Томас Манн,
Анна Ахматова, Марина Цветаева, Уваровскай ахтыыла-
ра, Даль уонна Пекарскай тылдьыттара, Бетлингк “Саха
тылын туһунан” научнай үлэтэ, Шекспир, Лопе де Вега,
Гийом Апполинер, Э.Хемингуэй, Акутагава Рюноскэ, Лу-
Синь, Джон Стейнбек, Сильфида, Андре Моруа, Платон,
Роберт Бернс, Рафаэль Альберти уонна да атыттар су-
руллубут этилэр. Кырдьыгынан эттэххэ, үйэбэр истибэтэх
дьонум ааттара бааллара, итиэннэ сорохторун кыайан да
таба саҥарбат ыарахан тыллаах ааттарым этилэр. Нико-
лай Алексеевич олортон туох суруйуулары аахпыппын хон-
туруоллуура. Аахпыт буоллахпына хайгыыра, өйдөө-
бөтөхпүн быһааран биэрэрэ. Кини “экзаменнарын” эрдээх-
тик аастахпына, босхо ханна эрэ эбиэттэтэрэ.
... Сынньалан кэмигэр Николай Алексеевич ас астыы-
рын, кроссвордары таайарын сөбүлүүрэ. Киһи сөҕөрө баар:
“Огонёк” сурунаал кроссвордарын аҕыйах мүнүүтэ иһигэр
таайан кэбиһэрэ. Үөрүйэҕэ оччо диэҕи, билиитэ-көрүүтэ
диринэ Сыттаҕа. Кини билбэт уобалаһа диэн суоҕун кэриэ-
тэ этэ. Ол эрээри араатар быһыытынан олус мөлтөҕө. Ни-
колай Алексеевич остуолга олорон кэпсэтии сүдү мааста-
ра, көрдөөх-нардаах кэпсээнньитэ. Манан кини олус ула-
ханнык ытыктанара... Сорох араатар ааттааҕа, тылы сатаан
таба ыпсаран суруйбат буолааччы. Маннык дьону хаһыат-
тарга үлэлии сылдьан билбитим. Н.А.Габышев нууччалыы,
сахалыы тылынан грамотнай суруксут. Николай Алексее-
вич астаабыт аһа өрүү минньигэс, бэйэтэ этэринии, “Хойуу,
сыалаах-эттээх, адьас уу-сахалыы” буолара.
1974 сыллаахха ахсынньы 17 күнүгэр Николай Алексее-
вич салайыытынан Прокопий Чуукаар уонна тылбаас груп-
патын оҕолоро: Петя Попов, Саргылана Корнилова, Аля
Слепцова уонна мин буолан, саха олоҥхотун тылбаастаабыт
үтүөкэннээх киһиэхэ — Владимир Васильевич Державинна
ыалдьыттаабыппыт. Кинилэр дьиэлэригэр киирээри ту-
ран, бу историческай суолталаах прием диэммин, кыр-
гыттартан чаһыы хас буолтун чуолкайдаспытым. Дьиҥэр,
ити дьээбэлэниим этэ. Лоп-курдук киэһэ 4 чааһы 5 мүнүүтэ
ааһыыта, квартира аанын тоҥсуйбуппут.
Сылаас дьиэҕэ киирэн, сыгынньахтанан, билсистибит.
В.В.Державин кэргэнэ бэйэтиттэн балыс көрүҥнээҕэ, Та-
мара Давыдовна диэн ааттаах, кинини көрөөт, еврейка
дии санаабытым. Биһиги үөрэнэр кэммитигэр үгүс биллии-
лээх суруйааччылар, тылбаасчыттар кэргэттэрэ еврей омук
буолаллара... Тамара Давыдовна бары нууччалыы ааттаах-
пытын дьиктиргээбитэ. Арай Саргыбыт аатын хайҕааты-
лар. Онуоха Николай Алексеевич бу аат ис хоһоонун бы-

71