Page 77 - Иван Мигалкин Күн таммаҕын ыһыспыт дьылҕалар

Бу курдук мин Н.А.Габышев көмөтүнэн киһини үйэтин
тухары кэрэхсэтэр интэриэһинэй көрсүһүүлэргэ, спектакл-
ларга, быыстапкаларга, музейдарга сылдьыталаабытым.
Сүүрбэ сааспын туолан баран, киниттэн бастакы кини-
гэбэр киирии тылла суруй диэн көрдөспүтүм. Кини ма-
шинкатынан бастакы кинигэбин бэчээттээбитим. Аҕыйах
хоноот, маннык ис хоһоонноох киирии тылы суруйбута:
“Уус-Алдан оройуона, Бороҕон сирэ саха поэзиятыгар хас
да биллэр поэттары биэрбитэ. Ол — Сергей Васильев,
Алексей Бэрияк, Баал Хабырыыс, Виктор Алданскай,
Николай Босиков — саха ытыктыыр суруйааччылара.
Прозаик уонна драматург Василий Протодьяконов—Ку-
лантай, талааннаах Иван Бочкарев, сэһэнньит Дмитрий
Очинскай — өссө кими ааттаабатым?
Бу кинигэ автора Уйбаан Кэрэл—Иван Васильевич
Мигалкин эмиэ тапталлаах төрөөбүт сирэ—Уус-Алдан, кини
сүүрбэтигэр сылдьар эдэр киһи (1954 сыллаахха
төрөөбүтэ), өр үөрэммит, поэзияҕа бастаан умсугуйбут
дойдута — Бүлүү, кини Бүлүүтээҕи педагогическай учи-
лищены бүтэрбитэ, бу училище умнуллубат литератур-
най традициялаах, кини урут Бүөтүр Тобуруокабы, Иван
Гоголевы поэтическай кынаттаабыта. Онон Уйбаан Кэрэл
оҕо сааһыттан төрөөбүт поэзиятын мүөттээх салгынын
иҥэрэн, бэрт эрдэттэн бэйэтэ хоһоонньут буолта, уолчаан
сылдьан хоһооннорун оройуон хаһыаттарыгар бэчээттэп-
питэ.
Кини бэйэтин туһунан олус табан этэр:
Сир ийэни сырдыгынан күндүлүүр
Отон этим—оҕо этим...
Олох диэн тугун билбэтим...
Ол иһин, кини маҥнайгы хоһоонноругар наар бэйэтин
оҕо сааһын, оскуолатын туһунан суруйбута. Кини хоһоон-
норо кылгастар, кини ойуулуу соруммат, кэпсии охсор,
сөҕөр, кыраттан үөрэр.
Көҥүл үйэ үтүө оҕото кини туох хомолтону билиэй?
Ити курдук чэпчэкитик, эмискэччи да диэххэ сөп, кини
биирдэ сорунаат, кытаанах, былдьаһыктаах конкурстаах
Москватааҕы Максим Горькай аатынан Литературнай ин-
ститукка киирбитэ, билигин онно ситиһиилээхтик үөрэнэ
сылдьар. Студент тыҥааһыннаах түбүктээх олоҕо, литера-
тура уустук, уран ньымаларыгар үөрэнии, бастакы тап-
тал, элбэх омук ыччаттарын кытта доҕордоһуу, төрөөбүт
алааһы ахтыы, элбэхтик ааҕан, саҥаттан-саҥа дьикти по-
эттары арыйыы, аан дойдуну киэҥник анааран көрүү,
аатырар дьону көрүү-истии, холобур “Артек” пионер

73