Page 95 - Иван Мигалкин Күн таммаҕын ыһыспыт дьылҕалар

Литинститут дипломун бултас, кэлин төннөрүҥ кыаллыа
суоҕа. Көрдөс, ааттас да, — туттарыс, кыһан.
Били завуч Галанов өлбүтэ. Пименов — үтүө сүрэхтээх,
сахаларга сымнаҕас. Ити биир. (Владимир Федорович Пи-
менов—Литинститут өр сылларга ректора, аатырбыт те-
атральнай критик.)
Иккиһэ — саҥа хоһоонноргун ыыт. Поэзияҕа Софрон
оннугар мин сүбэбинэн Семен Руфов олордо, кини онну-
гар публицистикаҕа Уйбаан Егоров-Сүгэһэрдээх кэллэ. Онон
поэзия кэм сэргэхсийиэ — Руфов эдэр поэттары өйүүр
баҕалаах, ону өйдөө.
Уталытыма.
Софрон Данилов убайын сэрсээлэтигэр олордо, сала-
йан эрэр. Тугу да уларытыа суох буолар.
Таллан 70 юбилейыгар сырыттыбыт. Саха АССР куль-
туратын үтүөлээх үлэһитэ, Нам бочуоттаах гражданина
буолла (сенатор курдук кыһыл ленталанна), байыаннай
мэтээллэннэ, авто “Жигули” талона биэрдилэр, банкеты-
гар 200 төбө ыалдьыттаах. Оҕонньор сэргэх... хоһоон су-
руйар.
Улахан литературнай сонун суох, “Хотугу сулуһу” саҥа
айымньынан көмтүлэр. Чаҕылхай суруйуу суох. Үчүгэй
прозаиктар бааллар, үөрэбин. Соһутуохпут Миры.
Суруйар буол. Туох наада?
Убайыҥ Ньукулай оконньор.
8/Х1-79 сыл.”

“Уруй буоллун Улуу Кыайыы күнүнэн!
Манна да саас кэллэ, туруйа, көҕөн көһүннэ.
Мин үлэм элбэх буолан, быыстаан БАМ-ҥа эрэ баран
кэллим — Нерюнгри куоракка, Беркакикка. Тимир суол
баар — поездтар сылдьаллар. Дьикти.
БАМ туһунан пьеса суруйабын уонна нууччалыы Чара
кыыс туһунан сэһэн. Олору бүтэрэр охсуһуум.
Суруйааччылар бары этэҥҥэ үөрэ-көтө сылдьаллар.
Бүөтүр бүтэн кэлэр. (П.Н.Тобуруокап Москватааҕы Лите-
ратурнай институкка саха тылбааһын группатыгар үөрэ-
тэн бүппүтүн Н.А. этэр.) Софрон—Пицундаҕа. (Софрон Пет-
рович Данилов.)
Саҥа чилиэн буолан эрэллэр — Далан, Лугинов. Ко-
миссияны ааспыттар. Аны секретариат бигэргэтиэ.
Сулууспаҥ бүттэҕинэ Литинституккар сылдьан ситэри
бүтэрэргин булгуччу кэпсэтэн кэлээр. Диплом — кэскилиҥ.

91