Page 94 - Иван Мигалкин Күн таммаҕын ыһыспыт дьылҕалар

Хочолорго кыталыктар кыҥкынастылар,
Эҕэрдэлии элиэлэр элиэтэстилэр.
Сыһыыларга атыырдар дьохсооттоһоллор,
Томторго оҕустар айаатаһаллар,
Былдьырыыт бадарааҥҥа труиит диэтэ —
Ити күөх сайын иһэр бэлиэтэ.
Бүгүн Хоту байҕалга уһунна Өлүөнэ —
Бырастыы буолуй, Өлүөнэм миэнэ, Эйиэнэ,
Оо, Сахам сирэ, бу күн эн тиллэр таҥараҥ:
Тилиннэ ээ бары хамсаан, санаран.
и т.д.
Бэрт баҕайы буолбат дуо — Сахам сирэ аҥылыс гынна
дии... Ньукуолун саҕана саас... Ити кэм кэлиэ.
Таллан—Саха АССР үтүөлээх үлэһитэ буолла. Федосе-
евка—Бочуотунай Грамота. Кинини эн биһикки Москва-
тааҕы кыргыттарбыт “били Федосия” диэн ааттаабыттар.
Таллан кыыһа Айталина аҕатыгар бэртээхэй хоһоону
суруйбут, түмүгэ:
Эн ырыаларыҥ ньиргийиэхтэрэ
Өлүөнэ дохсун бааллара буоланнар,
Эн хоһоонноруҥ күөрэйиэхтэрэ
Халлаан хомпуруун хотойо буоланнар.
Саҕаланара да бэрт:
Аҕаа, сорох ардыгар
Эн суолгун солооммун,
Бар дьонум дьоллоох олохторун,
Оҕолорум ыраас дууһаларын
Намчы, кэрэ саха тылынан
Хоһуйуохпун баҕарабын...
Дьэ итинник, хаһаарымаҕа хааллыбыт эдэр поэппыт.
Хоһоон дойдута ньиргиччи олорор.
Ньукулай Хаабыһап.
Тохсунньу 28 күнэ, 1979 сыл.
Якутскайтан.
Күөл түгэҕин курдук бүдүө-бадыа уонна -52 кыраадыс.”

* *
“Саллаат Уйбаан!
Уһун сулууспалаах киһи буоллуҥ. Эн саллааттаан бүтээт,
90