Page 96 - Иван Мигалкин Күн таммаҕын ыһыспыт дьылҕалар

Саллааттыы чэйинэн бырааһынньыктаа, ыстыыккын
ыстаа.
Ньукулай Хаабыһап. З.Ү.79 с. Якутскайтан.”
* * *

“Уйбаан Саллаат!
Мин эйиэхэ суруйбуппун, суруйбатахпын умнан кээс-
пиппин — склероз. Ээ, суруйбутум. Бүгүн — Кыайыы Күнэ.
Биһиги Эллэй уҥуоҕар тахсан сыллата оҕонньору ахта-
быт, сахаларга кини сэрии Тойуксута буолбута. “Бырас-
тыылаһыы” диэн хоһооно барыбытын долгуппута, оттон
“Күн сирин көмүскэлигэр” диэн кинигэтэ саха поэзиятын
сэрии кэмигэр “Илиадата” буолар, сэриилэспит уолаттар
Дьуон, Эртюк-заде, Сметанин Тима, бэл Абаҕа (Дьуон
Дьаҥылы, Иннокентий Эртюков, Архип Абаҕыыныскай)
сэрии туһунан таныктааҕы айбатахтара, норуот кинилэр
биир да хоһооннорун үйэлэргэ ылбатаҕа. Ити история дьик-
титэ — бүтүн норуот сэрии кэмигэр Чаҕылҕан “Хайыһа-
рын” ыллаан туораабыта, 50-с сылларга дылы холуочуй-
бут саха дьоно билбиттэрэ ити “Хайыһар” этэ, бэл мин
“Ый күлэр” кинигэбэр пародия суруйбутум — эргитэ сыл-
дьан ити ырыаны ыллыылларын. Оттон Эллэйтэн
“Өкүлүүн”, ‘Тастелло капитан” ылланаллара. Бүтүн но-
руот сэрии 5 сылыгар талан ылта ити. Аҕыйах.
Кус-хаас кэлэн эрэр, булт 12/У көҥүллэннэ. Тыаҕа хаар
бүтүн сытар, куоракка 7/У син ботуччу хаар түһэн куо-
раты маҥхатан тупсарда. Саҥа ууллар.
Суруйааччылар бары иллээхтик үлэлиибит. Софрон
Кавказка, Пицундаҕа сынньанар. Убайын оннугар депута-
тынан талылынна. (Саха АССР Верховнай Советыгар.) Тугу
да уларыппат санаалаах.
Иван Алексеев драматург быһыытынан Суруйааччы-
лар союзтарыгар киирэн көрдө — үсүһүн. Куоласка 21
киһиттэн 15-һэ утаран хоттордо. Уолу атаҕастыыллар.
“Хотугу сулуска” хоһоон тоҕо ыыппаккын? Руфовы
кытта кэпсэтиэм этэ.
Пегаскын олус өр мэччитимэ, кэлин кыайан уостуган-
ныаҥ суоҕа.
Петр Кошель бэркэ аатыран эрэр, бүтүн нуучча норуо-
тун аҕыйах бастыҥ поэттарыгар ааттаныллар. Оттон эн?
Мин 28/V уоппуска ылан Москвалыам эҥин. Үлэлэрбин
түмүктэтэлиэм...
Олус онно-манна тарбачыһабын.
Суруйар буол. Туох наада?
Ньукулай убай. 9/Ү-1979 с. Якутскай эбэттэн.”
92