Page 99 - Иван Мигалкин Күн таммаҕын ыһыспыт дьылҕалар

Талаанынан уонна билиитинэн-көрүүтүнэн таһыччы баһы-
йара. Литератураҕа холонууларбын өйүүрэ, элбэххэ сүбэ-
ама буолара. Тыыннааҕар “Чүүчүк уонна Сүүтүк” диэн
оҕолорго кэпсээннэрин кинигэтин таһааттарбыта. Олоҕор
элбэх эрэйи-муҥу билбитэ. Магадаҥҥа хаайыыга сытан,
кэргэнин, оҕотун ахтан, күрээн, Саҥа Дьылы Муома Со-
болооҕор ылбыт түбэлтэтэ баара... Хаайыылаах киһи само-
летунан кэлбэтэҕэ биллэр, үксүн сатыылаан... Бу туһунан
сэһэнин урукку кэмҥэ таһаарбат буоланнар, миэхэ кистээн
аахтарбыта. Киһи ытыы-ытыы ааҕар айымньыта быһыы-
лааҕа... Кэлин ити сэһэни сүппүт курдук этэллэр. Филипп
Филипповы өлүөн 4 хонук иннинэ көрсүбүтүм, сэтинньи 3
күнүгэр, 1984 сыллаахха. Кафеҕа дуу, рестораҥҥа дуу
аһыы барыах диэн эппитигэр аккаастаабыппын кэмсинэ-
бин. Оччолорго, көнө олоҕу тутуһарга санаам, эбэтэр атын-
нык эттэххэ, көнө суолга турунарга холонуум баһыйдаҕа...
Талааннаах прозаик Филипп Филиппов баара-суоҕа 39
саастааҕар Якутскай куоракка 1984 сыллаахха сэтинньи 7
күнүгэр бэрт дьиктитик өлөн турар. Киниттэн 2 кыра кыыс
хаалбыта. Кэргэнэ Мария Филипп кэнниттэн уһаабатаҕа...
Филипп Филиппов өлбүтүн кэннэ “Хаас-Хаас” диэн иккис
кинигэтэ күн сирин көрбүтэ. Николай Алексеевичтан Фи-
липповы өйөө диэн хаста да көрдөспүттээҕим. Тоҕо диэ-
тэххэ, саха литературнай эйгэтигэр кини кими да билбэ-
тэ, итиэннэ көрдөһүү-ааттаһыы кини майгытыгар сөп түбэс-
пэтэ. Кини оннук ыраас, көнө майгылааҕа...)
Уоппускаттан субу кэлэн олоробун.
Эн хоһоонноргун уус-уран өттүн уонна колоритын ки-
чэй, хайдаҕын да иһин саха поэта буолаҕын. Темаҕар да
дириҥээ. Саамай кылаабынайа — абаран-сатаран, оргуйан
олорон суруй.
Эдэр суруйааччылар мунньахтара күһүөрү буолуо —
юбилей элбэҕэ бэрт. Оннук мунньахха Эйигин, Филиби
ыҥыртаран бөҕө. Умнуом суоҕа.
Муома салгына эйигин тупсардын!
Убайыҥ ааттаах Ньукулай Хаабыһап.
27/Х-1981 с. Якутскайтан”.
Н.А.Габышев дэгиттэр талаанынан биллэрэ. Кини очер-
кист, публицист, драматург, фельетонист, памфлетист,
тылбаасчыт, научнай-чинчийэр үлэлэр автордара, үчүгэй
редактор уонна литература ахсаабат пропагандиһа этэ.
Олоҕун тиһэх күннэригэр диэри саха литературатыгар
эдэрдэри өйөөбүтэ-убаабыта. Кини эдэрдэргэ аҕалыы ама-
рах, истиҥ сыһыанын миэхэ суруктарыттан да өйдөөбүт
буолуохтааххыт.

95