Page 98 - Иван Мигалкин Күн таммаҕын ыһыспыт дьылҕалар

Тыаҕа от дэлэй, үлэ бытаан.
Дьэ сонун суох. Ол аата олох үчүгэй буоллаҕа — бары-
та кэминэн, сиэринэн.
Ньукулай Хаабыһап.
Атырдьах ыйын 8 күнэ, 1979 с. Якутскайтан”.

* * *
“Уйбаан!
Соторутааҕыта суруйбутум, онон сонун суох. Арай быйыл
23/Х Эдэр суруйааччылар республиканскай икки күннээх
мунньахтара ыҥырыллар, онно бэлэмнэнэбит. Мин Амма
Оччугуйунаан прозаны ырытыахпыт.
Алексей Бээрийэк күөмэйэ рактаан өллө. С.Данилов ат-
тыгар көмүлүннэ — хайаҕа.
Тымныы, ардахтаах күһүн, от эмиэ кыайтарбата.
Эйиэхэ бу эн хоһооннордоох хаһыаты ыытабын. Ыраах
сиргэ күндү буолуо...
Руфов уоппускаттан саҥа кэллэ.
Кытаат, суруйа сырыт, астыма.
Ааҕарыҥ наада, билиҥҥи суруйааччы аахпата сатам-
мат. Хоһоонуҥ форматын да имит, бэйэҥ стильгин көрдөө.
Эдэргин — барыта иннигэр.
Туругур!
Ньукулай Хаабыһап. 3/Х1-79 с. Якутскайтан”.

“Сытыы атаһым Уйбаан!
Онно-манна тиийэн-тиэстэн түһэҥҥин! Аатырар намыын,
наҕыл Муома сирин булбуккун — дьэ үчүгэй. Намырыыр,
түспэтийэр түөлбэҥ буолуо...
Филипп Филипповы бэркэ билэбит, хата бэчээттии илик-
пит быһыылаах. Онон кэпсээннэрин ылан үөрдүм. Урут
хаһыакка тахсыбыттара бааллара — бу билигин Уоһук
оҕо туһунан кэпсээннэрэ сэнэх соҕус эбиттэр. (Филипп
Филиппов Сунтаар улууһун Бордоҥуттан төрүттээҕэ.
Бүлүүтээҕи педучилищеҕа 1969—70 сылларга үөрэммитэ.
Мин үтүө доҕорум этэ. Кини улахан суруйааччы буолар
аналлааҕа. Олоҕун тиһэх күннэригэр диэри Муома улуу-
һун Соболооҕор ыанньыксытынан, ньирэй көрөөччүнэн,
кырымахтаах хара саһылы иитэр фермаҕа үлэлээбитэ.
Ф.Филипповтыын 1969—70 сылларга мин, өссө биир
доҕорум Коля Секов буоламмыт үһүөн биир дьиэни куор-
тамнаһан олорбуппут. Филипп миигиттэн 9 сыл аҕа этэ.
94 «5