Page 22 - Норуоттан тахсыбыт талаан

пыт курдук, көрдөөх, омуннаах кэпсээннэр салҕанан бараллара.
Терентий Васильевич биирдэ биһигини улахайнык күллэрэн
турардаах. Кини эдэригэр Саха драмтеатрыгар артыыһынан үлэ-
лии сылдьыбыт эбит. Ол сылдьан ханнык эрэ слектаклы а (аатын
умнан кэбиспиппин) оонньууругар, сценарийын быһыытынан,
биир күүстээх киһилиин элбэх дьонноох түһүлгэ иннигэр тустан
хотторуохтаах эбит. Анараа артыыһа кырдьык бэйэтин чахчы
кыанар күүстээх киһи эбитэ үһү. Киирэн тустубуттар. Биһиги
киһибит тустуутунан дьиҥ чахчы үлүһүйэн барбыт. Бэрт сотору
кыайтара охсуохтаах оруолун умна быһыытыйбыт. Онон киһи-
тигэр охтон биэрбэккэ, кыайтарбакка, омуннаатахха, чаас аҥарын
быһа тилигирээбиттэр. Хотуохтаах, кыайыахтаах киһибит бас-
таан кыратык сибигинэйэ былаастаан: “Кыайтар, оҕут”, — дэтэ-
лээбит. Кэлин илистэн, кыыһыран, маатыра былаастаах: “Оҕут
диибин дии, кыайтар диибин дии!” — диэн мөҕөр-көрдөһөр икки
ардынан бобуллаҥныы сылдьыбыт. Дэлби мадьыктаһан, иккиэн
тиритии-хорутуу бөҕө үһү, оттон көрөөччүлэр буоллаҕына ытыс-
тарын таһына-таһына, күл да күл буолбуттар... Ол быыһыгар
быыс кэннигэр ыга кыыһырбыт режиссер ойон кэлбит уонна:
“Аммосов, түксү, оҕут, кыайтар диибин дии!” — диэн үөгүлээбит.
Онтон Терентий Васильевич кэмниэ-кэнэҕэс дьэ кыайтарбыт.
Кэлин санаатахпына, Терентий Васильевич олорор дьиэтигэр
өрүү бэрт уһуннук, элбэхтик, наар илистэ үлэлиир, сылайар
буолан, Худфоҥҥа кэлэн дьонун-сэргэтин көрсөн, сэргэхсийэн,
сылаатын таһааран, күлэн-үөрэн, оонньоон, сынньанан барар эбит.
Ол гынан баран, куһаҕаны да, үчүгэйи да ордук уйаннык ылынар
искусство эйгэтин үлэһиттэрин сиэринэн, ис дууһатынан сөбүлээ-
бэтэҕинэ, сөбүлэспэтэҕинэ, онтун аһаҕастык биллэрэрэ.
Манна сыһыаннаах биир түбэлтэни өйдүүбүн: биирдэ зона
быыстапкатыгар ол комиссия чилиэнэ Терентий Васильевич фар-
фортан куттарбыт чорооннорун сорох бытархай оҥоһуктарыгар
кытарбыт боробулуоханан сиэтэн (вьгжигайдаан) ойуу-бичик оҥор-
бутун сирбит, кириитикэлээбит. Терентий Васильевич ону кытта
сөбүлэспэккэ: “Чороон да, чороон формата туттуллубут атын да
вазалар тоҕо аҥардас мастан эрэ оҥоһуллуохтаахтарый? Оттон муос
оҥоһук буолла да, өҥү туттар, ол иһигэр кыратык уотунан да сиэтэр
тоҕо сатаммат буолуой? Барытын кини, искусствовед буоллаҕа
буолан, билэр үһү, кини эрэ бобор, көҥүллүүр үһү? Ол биһиги
былыргы маастардарбытыгар билиҥҥи билэр матырыйааллар-
бытын барытын ким көрдөрбүтэй-талларбытай? Оннук кыаҕы
кинилэргэ ким биэрбитэ баарай? Атын матырыйаалы боруоба-
лыыр, эксперименниир тоҕо сатамматый? Аахсар буоллахха, аан
дойдуга фарфортан өҥнөөх-дьүһүннээх биһиги чорооммутунааҕар