Page 23 - Норуоттан тахсыбыт талаан

буолуох намчы, уустук оҥоһуктары оҥороллор-куталлар. Оттон
муоһу эмиэ араастаан кырааскалаабыт, муоска уруһуйдаабыт да,
уоту да туттубут түгэннэрэ үтүмэн элбэх. Ону баран, биһиэхэ эрэ
кэлэн, бопсо-хаайа сылдьар. Биһиги да дьоммут бааллар, ол киһи
тугу этэр да, барытыгар сөбүлэһэн кэҕиҥнии олороллор”, — дии-
дии бэркэ кыыһыран, кыһыйан-абаран саҥара-иҥэрэ турара бу
баарга дылы.
Терентий Васильевич: “Худуоһунньук киһи элбэхтик онно-
манна сылдьыахтаах. Оччоҕо эрэ кини үлэтэ киэҥ ис хоһоонноох,
сонун темалаах, соһуччу үчүгэй, кэрэхсэбиллээх формалаах буо-
луохтаах”, — диирэ. Ол иһин миэхэ: “Кэргэҥҥин илдьэ үһүөн
хоту, муораҕа, өрүһүнэн уста киириэҕиҥ, эн кэргэниҥ — живопи-
сец киһи, айылҕа эҥинэ бэйэлээх көстүүлэрин уруһуйдуо, ол
дойдуга бааллар киһи сүргэтин дьиҥ чахчы көтөҕүөх, киһи иэйии-
тин уһугуннарыах дьиктилэр. Оо, мин худуоһунньук үөрэҕэр
үөрэммит баҕас буолбатахпын ньии, хайдахтаах хартыыналары
суруйар, ол дойдулары өҥүнэн-дьүһүнүнэн дьүһүйэр, хоһуйар,
туойар этиэм... Оо, абаккам! Оттон эн биһиккигэ да дьарык көстүө.
Тема бөҕөнү булуохпут. Идея да үөскүө, эскиз да оҥостуох этибит.
Урут хаста да хоту киирэ сылдьыталаабытым, бэрт элбэх дьону
билэр этим. Олортон билигин да биир эмэ баара буолуо. Хайа
уонна муҥхалааһын сыттаҕа дии. Дэлэлээх сынньаныа, сэргэхсийиэ
этибит дуо?” — диэн хас да сыл ыҥыра-көҕүлүү сатаабыта да,
биһиги, куруук буоларын курдук, олох-дьаһах ол-бу кыһалҕала-
рыттан олуллан, бэйэбит бэркэ диэн баҕарар эрээри, кыайан
барбатахпыт.
Т.В.Аммосов худуоһунньук да, киһи да быһыытынан баай
дууһалаах, айылҕаттан араас өрүттээх талааннаах, бэйэтин кэмин
биир чаҕылхай киһитин быһыытынан биллэрэ. Доҕоро-атаһа да
бэйэтигэр ханыылыы этэ. Ол курдук, кини адьас чугас эн-мин
дэһэр чугас дьоннорунан Амма Аччыгыйа, эмиэ Терентий Васи-
льевич бэйэтин курдук туох да анал үөрэҕэ суох эрээри сүдү
талаанынан, дьаныардаах үлэтинэн аатырбыт улуу артыыс Дмит-
рий Ходулов буолаллара.
Терентий Васильевич үлэлээбит, айбыт уобалаһыгар — ойуу-
луур-дьүһүннүүр искусство муоска быһар салаатыгар — хаһан да
сүппэт-оспот дириҥ суолу-ииһи хаалларбыт, төрөөбүт норуотутар
өлбөт-сүппэт чаҕылхай талааннаах элбэх айымньыны бэлэхтээбит
чахчы Улахан худуоһунньук этэ.

Ахсынньы 10 күнэ, 1996 сыл.
Дьокуускай куорат