Page 20 - Норуоттан тахсыбыт талаан

Георгий РОДИОНОВ,
Саха Республикатын искусствотын
үтүөлээх деятелэ

ҮӨҺЭТТЭН АЙДАРЫЫЛААХ ЭБИТ...
/
(3777" ерентий Васильевич Аммосовы сырдык дууһалаах, айар та-
«V/С лааннаах, көмүс тарбахтаах киһи этэ диэн ахта саныыбын.
Кинини Саха сирин да, Россия да үгүс дьоно улахан муосчут,
худуоһунньук быһыытынан билэллэр уонна өйдүүллэр.
Терентий Васильевич өр сыллар усталарыгар (1948—1988 сс.)
урукку Советскай Союзка, РСФСР-га, омук да сирдэригэр буолу-
талаабыт ойуулуур-дьүһүннүүр быыстапкаларга улуу кыыл (ма-
монт) муоһугар Сахатын сирин айылҕатын, үлэһит дьонун туста-
рынан, олоҥхотун, ойуутун-оһуорун ойуулаан, быһан көрдөрбүт
биир бастыҥ худуоһунньукпут буолар.
Кини идэтийбит муосчут быһыытынан айбыт үлэтэ орто дой-
дуга төрөөн-үөскээн ааһар үйэтигэр, төрөөбүт норуотугар, кэн-
чээри ыччатыгар үйэлээҕи хаалларар туһугар утуйар уутун да
умнан туран, үлэлээн-айан, тыһыынчаттан тахса айымньыны
муоска оҥорон хаалларда.
Терентий Васильевич Советскай Союз Худуоһунньуктарын
срюһугар чилиэнинэн киирэрбэр мэктиэ сурук биэрбитэ. Онно
махтана санаабыппын билиҥҥэ диэри умнубаппын. Кини алгыһа
айар үлэм аартыгар биир үктэли эбии үктэннэрбитэ.
Ити сылга Терентий Васильевич Ярославскай уулуссаҕа баар
мастарыскыай оҥостон олорор кыракый хоһугар хаста да сылдьы-
бытым. Кини төһө да 76 саастаах буоллар, ис-иһиттэн имэҥирэн
туран илиитин араарбакка олус дьулуурдаахтык үлэлиирин көрө
сөхпүтүм, астыммытым. Аҕыйахтык да сырыттарбын, элбэх
сэһэннээх, тоҕо-хоро кэпсээннээх, киһи истэ олоруон курдук
эйэҕэс, кэрэ киһи этэ.
Т.В.Аммосов былыргы саха муосчуттарын (XVIII үйэ саҥата
— XIX үйэ ортото) оҥорбут үлэлэригэр олоҕуран, айымньыларын
уустук-ураннык ойуулаан, сайыннаран кэлбитэ саарбаҕа суох.
Мин бэйэм муоһунан уһанар худуоһунньук буоламмын, дьиҥ-
нээх искусство айымньытын оҥорон таһаарар туһугар Терентий
Васильевич төһөлөөх өйүн-санаатын, күүһүн-уоҕун, сыратын-
сылбатын ууран үлэлээбитин сөҕөн кэбиһэбин.
Тымныы уу кыылын муоһугар Терентий Васильевич тус бэйэтин
сүрэҕин сылааһын, тапталын биэрэн, дууһатын ууран, өлбөт-
сүппэт кэрэ айымньылары айан бу орто дойдуга, дьонугар-сэргэ-
тигэр хаалларбыт үөһэттэн айдарыылаах сүдү талаан төрөөн-үөс-