Page 18 - Норуоттан тахсыбыт талаан

остуолларга муос оҥоһуктар бөҕөтө тардыллыбыт, туруоруллубут
этэ. РСФСР худуоһунньуктарын Саха сиринээҕи отделениетын
бырабылыанньатын председателэ М.В.Лукин Терентий Васильевич
Аммосов ССРС-ка, РСФСР-га, аан дойду элфх дойдуларыгар
бэйэтин быыстапкатын көрдөрбүтүн, биһиги дойдубутугар биллэр-
көстөр худуоһунньугун, саха норуотун прикладной искусствотын
биир бастыҥ маастара, саха норуотун ойуулуур-дьүһүннүүр искус-
ствота салгыы сайдарыгар бэрт элбэҕи он орбутун туһунан кэпсээн
туран быыстапканы аспыта.
Ити быыстапкаҕа сылдьан мин аан бастайн илии тутуһан Терен-
тий Васильевиһы кытта билсибитим уонна кини үлэлэрин сиһилии
көрбүтүм. Биһиги доҕордоһуубут ити күнтэн саҕаламмыта. Сайын
даачабыт чугас буолан сотору-сотору сылдьыһар этибит. Өлүөн
биир күн иннинэ Терентий Васильевич киэһэлик биһиэхэ кэлэн,
бэрт өр сэһэргэспитэ, үлэбит туһунан санаатын эппитэ, училигцеҕа
төһө талааннаах оҕолор баалларын сураспыта. Мин кинини аарааҥ-
ҥа диэри атаарбытым. Сарсыҥҥытыгар иэдээннээх сураҕы истиби-
тим... Аны санаатахха, кини кэриэһин этэ, бырастыьшаһа кэлэн
барбыт эбит.
Терентий Васильевич орто уҥуохтааҕа, бэйэтигэр сөп эттээх-
сииннээх үчүгэй көрүҥнээҕэ. Бэйэтин кыанар күүстээх-уохтаах,
күлэ-үөрэ сылдьар элбэх тыллаах-өстөөх, дьону-сэргэни үөрдэ-
көтүтэ сылдьар киһи этэ. Ардыгар ыллаан-туойан да ылара. Дьиэ-
тигэр-уотугар, дьоҥҥо эйэҕэс сыһыаннааҕа. Кэргэнин “Маайыс”
диэн олус истиҥник ыҥырара. Кинилэр 50-ча сыл эйэ-дэмнээхтик
олорбуттара. Оҕолоро ийэ-аҕа сылаас иэйиилэринэн, итии таптал-
ларынан иитиллэн, билигин бары ыал дьон. Терентий Васильевич
тыыннааҕа буоллар, сайын аайы элбэх сиэнин мунньан, ыһыах
ыһыа этэ дии саныыбын.
Т.В.Аммосов айар быыстапкатыгар аан бастаан сылдьыбыппын
хаттаан ахтар буоллахха, Терентий Васильевич үлэлэрин сөҕө көр-
бүтүм, ол инники олохпор, үлэбэр олук уурбута, үөрэх буолбута.
Мин онно тугу санаабыппын билиҥҥэ диэри өйдүүбүн.
Бастакытынан, мамон муоһа, тииһэ матырыйаал быһыытынан
хайдах туттулларын.
Иккиһинэн, кыһаннахха, сатаатахха, бары сахалыы тыыннаах,
өйдөбүллээх буолуон сөптөөҕүн.
Үсүһүнэн, кини үлэлэрэ уус-уран өттүнэн уустук эрээри, туп-
саҕай оҥоһуулаах сиппит-хоппут буолалларын.
Төрдүһүнэн, элбэх матырыйаалтан, холобур (инкрустация,
аппликация), өҥү-дьүһүнү бэрт сатабыллаахтык аттаран холбоо-
тоххо, биир сомоҕо үлэ эбэтэр оҥоһук тахсарын.
Бэсиһинэн, горельеф, барельеф, рельефнэй, ажурнай, о.д.а.