Page 19 - Норуоттан тахсыбыт талаан

уус-уран оҥоһуктар араас көрүҥнэригэр, сатаан булан, ону чахчы
билбит-баһылаабыт маастар илиититтэн туох барыта оҥоһуллан
тахсыан сөптөөҕүн.
Алтыһынан, элбэх фигуралаах тематическай үлэлэр уустуктук
аттарыллан сатанан тахсалларын.
Москваҕа ТеренҮтш Васильевич персональнай быыстапкалара
тэриллэллэрэ. Ону таһынан, араас таһымнаах быыстапкаларга
кыттара. Кини үлэлэрэ Румынияҕа, Китайга, Канадаҕа, Японияҕа
үрдүк сыанабылы ылбыттара. Билигин да сыаналанар буолуохтаах-
тар. Сахабыт сирин сайдар кэскилигэр, аан дойдуга биллэригэр,
культурата үрдүүрүгэр кини улахан үтүөлээҕэ-өҥөлөөҕө.
Мин ордук чорботон Т.В.Аммосов үүнэн иһэр эдэр талааннарга
аҕалыы кыһамньытын туһунан этиэм этэ. Кинилэр маастар буола
үүнэллэригэр сүрдээҕин кыһаллара уонна биһиги отделение-
бытыгар Союз саҥа чилиэннэрэ киирэллэригэр мэктиэтин үөрэ-
көтө биэрэрэ. Ол курдук, киниттэн итинник мэктиэни К.К.Кры-
лов, С.П.Заболоцкай, И.И.Тумусов, о.д.а. ылбыттара. Терентий
Васильевичка кинилэр махталлара улахана. Кини сүбэтэ-амата
ылыннарыылаах буолара.
Бэйэтэ бу идэни баһылыырыгар учуутала Д.И.Ильин улахан
өҥөлөөҕүн туһунан этэрэ. Ол да иһин Д.И.Ильин кинилэргэ үтүө-
мааны ыалдьыт быһыытынан сылдьара.
Терентий Васильевич кэлин ыарытыйар буолбута. Онон
сотору-сотору балыыһаҕа киирэрэ. Онно даҕаны үлэтин илии-
титтэн араарбат этэ. Аата-суола тыыннааҕар бэлиэтэммитинэн
дуоһуйабын. Саха АССР, РСФСР народнай худуоһунньуга, Репин
аатынан Россия Государственнай бириэмийэтин лауреата курдук
үрдүк сыанабыллары чиэһинэй үлэтинэн, баай талаанынан
ылыан ылбыта. Кини олоҕун тиһэх мүнүүтэлэригэр диэри үлэтин
тохтоппотоҕо... Көмүс уҥуоҕун төрөөбүт-үөскээбит Курбуһаҕар,
Уус Алдаҥҥа, туппуппут.
Аҕа дойду Улуу сэриитин кыттыылааҕа, айар үлэтинэн саха
норуотун аатырдыбыт Т.В.Аммосов аата-суола үйэтийэригэр са-
наабын этиэх тустаахпын. Төрөөбүт Уус Алданын улууһун дьаһал-
тата, дьоно-сэргэтэ, Саха Республикатын правительствота, пре-
зидеммит Т.В.Аммосов сырдык аатын үйэтитэргэ дьаһал ылаллара
наада. Кини аатынан бириэмийэ олохтуохха баара.
Маны тэҥэ, Т.В.Аммосов үлэлэрин үөрэтэр-харыстыыр, үүнэр
талааннарга холобур оҥостор, үөрэтэр пособие бэчээтгиирбит буоллар,
айымньылаах үлэбит салгыы сайда-үүнэ туруо этэ буоллаҕа.

Олунньу 28—кулун тутар 6 күнэ, 1997 сыл.
Дьокуускай куорат