Page 104 - Иван Мигалкин. Сүрэхтэн саҕыллар санаалар

ратар. Оттон ыҥырыллан баран тиийбэтэхлинэ өһүргэниэхтэрэ
дни, ама, кырдьык, иэс баайан ыҥыраллара буолуо дуо? — дии-
бин. Дьэ мин сатаан санаабаппын: от охсооччу, мае кэрдээччи
тоҕо үбүлүөйдээбэтий, атаҕастаммычча аҥаардас суруйааччы-
лар эҥин эрэ тоҕо сата баһын тардыах тустаахтарый? Үбүлүөй,
презентация эҥин — олортон киһи дьоҕура үүнэн кэлэрэ буоллар
син да эта.
— Билигин сааһыран иһэҥҥин биирдэ бэриллэр олоххо төһө
туһалаахтык олордум дии саныыгын? Эдэр дьоҥҥо тугу баҕа-
рыаҥ этэй?
— Тугу туһалаабыппын хантан билиэхпиний — сатаан ыйаа-
һын бэскитигэр ууруллубат буоллаҕа. Бэйэм кыахпынан олоро
сатаатым, баҕар, сорох кыахпын ситэ туһамматах буолуохпун
сел. Эдэр дьоҥҥо диэн — суруйааччыларга дуо? Кыахтарын то-
лору туһанныннар. Атын дьону ытыктаатыннар — сэнии, намтата
сатаабатыннар: син биир кэлин ол биллэн тахсыаҕа. Бүгүҥҥүнэн
эрэ буолбакка, сарсыҥҥынан кытта олоро сатыахха. Миэхэ ити
чааһа ардыгар кыайтарбат.
— Саха эдэр суруйааччыларыттан кими чорбото ааттыыгы-
ный? Саха литературатын кэскилэ Эн санааҕар?
— Кими да ааттаабалпын. Бастакытынан, эдэр аата эдэр,
сыыһа ааттаан кэбиһиэххэ сел, Иккиһинэн, ааттаммакка хаалбыт
амбициялаах ааптары кими эмэ өһүргэтиэххэ сел. Хотя... Кыаҕа
суох киһи өһүргэс буолар.
— Омук, нуучча уонна саха классикатыттан кимнээх ааттары-
гар сүгүрүйэ саныыгыный?
— Сүгүрүйүөх иннинэ ол киһиҥ айымньытын, олоҕун кытта
лаппа соҕус билсиэххэ наада. Өссө бэйэтин тылынан ааҕар наа-
да буолуо, дьиҥнээхтик, сурах хоту буолбакка, сүгүрүйэргэ. Дьэ,
холобур, «Чуумпу Доҥҥа» Гришка Мелеховы аҕата Пантелей
оҕонньор ыалбыт ийэтин булсубуккун диэн олгуобуйанан охсоо-
ру тэлэкэччийэр, онуоха эмээхеинэ ойон кэлэн ааттаһар: «Охо-
лонь, трошки, охолонь!» — диир. Мин бэрт өрдөөҕүтэ аахпытым
буолан баран, ситинник тылларынан этиллибит курдук саныы-
бын — наһаа үчүгэй буолбат дуо? Сити үс сымнаҕас баҕайы на-
рын тыллартан мин кырдьа барбыт суон дьахтар оҕонньорун уҕа-
рыта сатыырын субу көрөн турар курдукпун: төбөтүгэр кыракый
былаатын сыҥааҕын анныгар бааммыта буолуо, уһун киэҥ ыр-
баахылаах, иннигэр баартыктаах, күн бокуойа суох киһи, баҕар,
тиэстэ мэһийэ туран кэлтэ буолуо — ырбаахытын сиэҕин тоҕо-
ноҕор диэри тиэриммитэ буолуо... Эбэтэр «трубит ли рог, гре­
мит ли гром» диэн нууччалыы аахпатах эрээри Пушкин поэзията
100