Page 105 - Иван Мигалкин. Сүрэхтэн саҕыллар санаалар

абылыыр дорҕооннордоох диэн хайдах этиэххэ сөбүй?» Оттон
ити дорҕооннорго муос турба лоҥкунатарын, этиҥ этэн лүһүгүрэ-
тэрин мин истэр курдукпун. Онон диэххэ сөп, омуктартан оннук
айылаах сүгүрүйэр киһим суох. Биллэн турар, улуулара элбэх,
генийдэр да бааллар диилэр, ол гынан баран ол Шекспири, Ге-
тены мин үчүгэйдик билбэт буоллаҕым дии. Оттон нууччалар-
га — сүгүрүйэр дьонум элбэхтэр, хас биирдии улахан суруйааччы
киниэхэ эрэ баар туох эмэ уратылаах, киһини сыһыары тардан
ылардаах буолар. Оттон ол элбэхтэртэн чорботор буоллахха —
арааһа, Пушкиным барахсаны ылан эрдэҕим: хараҕа эрилийэн,
баттаҕа будьуруйан... Сахаларга да сүгүрүйэр киһим элбэх, бэ-
йэбит испитигэр биһиги да эмиэ улуулардаахпыт, бэйи, тохтоо!
Арбитабын ордорорум дуу — сордоох наһаа эрдэ суорума суол-
ламмыта, аньыыта-харата да суоҕа бэрдэ: 050 буоллаҕа дии,
сүүрбэ тоҕустаах киһи...
* * *
Бу умсулҕаннаах олоххо, тыыннаах сылдьар бар дьоҥҥо —
ыар кутурҕаны, дириҥ курутуйууну дууһаларын аймалҕанынан
ус төгүл тэҥинэн үллэстэр үтүөкэн майгылаах, үөрүүнү, өрөгөйү
сүрэхтэрин сылааһынан үс төгүл үрдэтэр Үөһээ Бүлүүлэргэ.
Улахан, кыра улууһуттан, куораттарыттан, кыракый дэриэби-
нэлэртэн тутулуга суох самныбат саргылаах сахаларга, биһиэхэ,
суох буолла — айылҕаттан айдарыылаах бөдөҥ суруйааччы,
уһулуччулаах поэт, тарбахха баттанар талааннаах тылбаасчыт
быһыытынан бар дьонун сырдык санаатынан, төрөөбүт литерату-
рабытыгар иһирэх тапталынан, бэйэтин тула мындыр өйүнэн-са-
наатынан түмпүт норуот суруйааччыта Сэмэн Тиитэбис Руфов.
Бүгүн, чаҕылыйа сыдьаайар сааскы күлүмүрдэс күммүт, сар-
даҥа уотунан киэҥ нэлэмэн Сахабыт сирин үрдүк хайаларын
түөстэригэр дириҥ аһыытын, хас киһиэхэ сүрэҕэр-быарыгар
ааһан-ара5ан биэрбэт, унньуктаах уһун ыар кутурҕанын бил-
лэрэн: «Киэн туттуубут Сэмэн Тиитэбис Руфов, биһиги, сахалыы
саҥалаах сүгүрүйэр, ис-испититтэн таптыыр суруйааччыбыт», —
диэн сылаас санааларын, үйэлээх ахтылҕан курус тылларын
көмүһүнэн суруйда.
Дьокуускай куораппыт тыһыынчанан ахсааннаах кырыыһа-
ларыттан тохтоло суох түһэр таммахтар, харах уута буолан, хас
биирдиибитин уйаннык долгуттулар. Саха тылын имигэс хамса-
ныылаах кэрэ кыыстыы көлүччэҕэ көҥүл сөтүөлэтэр тыл бөдөҥ
маастарын аны тыыннаах бэйэтин көрсүбэппит, суох буолла сыр­
дык, аһаҕас, ыраас мөссүөннээх Сэмэн Тиитэбис барахсан! —
101