Page 107 - Иван Мигалкин. Сүрэхтэн саҕыллар санаалар

лай Габышевпын, Бүөтүр Тобуруокаппын, Моисей Ефимовпын,
Дьөгүөр Неймоховпын. Олоҕум уһаан истэҕин ахсын ыарыылаах-
тык ылынар буоллум — модун лабаалар тостон түһэллэрин.
Сэмэн Тиитэбис Руфов, дьиҥ Улахан буукубалартан сурул-
лар бөдөҥ суруйааччы быһыытынан ааҕааччыларын кытта кер-
сүһэ сылдьан, олохтон араҕыста. Литература эрэллээх саллаа-
тын хорсун майгытын көрдөрөн, үйэлэргэ ааттанар, номоххо кии-
рэр үтүө холобур буолла.
Саха саҥалаахтар бары таптыыр литературабыт Аал Луук
Маһын модун лабаата тостубута саныахха ыараханыан... Маны
хаһан, хайдах оһорунарбытын бэйэбит да билбэппит. Өрүү
кэрэнэн угуйар Олоҕу, дьону-сэргэни истиҥник таптыыр Сэмэн
Тиитэбис күн сириттэн арахсыбытынан кини оҕолоругар, ай-
мах-билэ чугас дьонугар, төрөөбүт Үөһээ Бүлүүтүн олохтоохто-
ругар Саха Республикатын Суруйааччыларын сойууһун аатыттан
дириҥ кутурҕаммытын тиэрдэбит.
Суруйааччылар сүрэхтэрэ тэппэт буолан, бу тыыннаах олоххо
биһигини кытта тэҥҥэ хаама сылдьыбатахтарын үрдүнэн, Сэмэн
Тиитэбис сырдык аата, суруйан хаалларбыт чулуу айымньылара
литература киэҥ, уйаара-кэйээрэ көстүбэт муоратыгар чопчу ха-
йысханы тутуһан, бар дьонугар кэрэ санаалары бурдук сиэмэти-
нии ыһан, өйү-толкуйу дириҥник иэҕэ этэн, баарыстаах хараабыл
буолан, өрүү уста сылдьыаҕа. Баай санаалары толору иҥэрим-
мит баарыстаах хараабыллар тимирбэттэр. Саха диэн аат баа-
рын тухары Сэмэн Тиитэбис Руфов аата ааттана туруоҕа, кини
ыччаттара бу Олоҕу киэргэтэ сылдьыахтара.
Киһи олоҕо кылгаһыан.
Күлүм гынан ааһара түргэниэн,
Ол быыһыгар — охсуһуута элбэҕиэн!
Кэлбэтэхпит эбээт.
Күлбүтүнэн чэлгийэр бу Ийэ сиргэ —
Үйэ-саас тухары
Үөрүү аргыстанан,
Көҥүл санаа тыннанан...
Киһи буолуу тыйыс аналынан
Төннүөхпүт турдаҕа, бу Ийэ буорбутугар —
Баҕар эрдэлээн, б а $ а р хойутаан
Кыракый оҕолуу суулатан...
Кимиэхэ эрэ сууйтаран...
Быраһаай, күндү киһим, убай доҕорум Сэмэн Тиитэбис. Бү-
гүн тохпут харахпыт уута чэлгитэ көҕөртүн Аар Айылҕабыт отун-
маһын.
Быдан дьылларга быраһаай, бырастыы!
103