Page 99 - Иван Мигалкин. Сүрэхтэн саҕыллар санаалар

бит дьоннорум. Бары даҕаны, улуус эрэ буолбакка, республика
бүтүннүүтэ күөн туттар, төрөөбүт норуоттарыгар үгүс үтүөлээх
дьон. Өлөксөй оҕонньордуун, уруккута аатырбыт поэттыын уонна
публицистыын, өлүөн аҕай иннинэ «Хотугу сулуска» бииргэ үлэ-
лээбиппит — кини миэхэ литсотруднигым этэ. Оттон Баал Ха-
бырыыс Москваҕа үөрэнэр сылларбар букатын аҕа табаарыһым
буолбута, кинилэргэ мэлдьи сылдьарым. Көрдөөх да түгэннэр
баар буолааччылар. Ольганы кэргэннэнэн бэркэ хараллан оло-
рон син дьолу билэн хаалбыта. Ольга киниттэн үс эрэ сыл ба-
лыс этэ. Сааһа ырааппыт, билигин кырдьан бөҕө буоллаҕа. Баал
эдэр сааһыттан сэлликкэ эмнэрбит буолан, биэс уонун ааһаат
суох буолбута. Өлүөн уонча сыл инниттэн дьоҕурдаах скульптор,
доруобай, кырасыабай украинка кэргэннэнэн, саҥа кыбартыыра
ыланнар, элбэх доҕоттордонон быр курдук ыаллар этэ. Баал кэр-
гэнигэр өссө атаахтаталаан да ылааччы. Республика биир бил-
лиилээх поэтын доҕорун Ольга Степановналыын улуус салалта-
та, эн улахан үлэһит бырааттарыҥ даҕаны, Москваҕа сылдьан
билсиһэллэрэ эбитэ дуу? Кини Баал уҥуоҕар туруорбут паама-
тынньыгын, саха литературатын, искусствотын элбэх дьонун мэ-
тириэттэрин оҥорбутун ытыктаан да туран тугу эмэ дук гынал-
лара, бэлиэтииллэрэ буоллар, син саныыллар эбит ээ диэн кыр-
дьаҕас киһи үөрээхтиэ этэ...
Сергей Степанович миигин, эдэр киһини, өйүүр сыһыаннааҕа.
Сойуус сэкирэтээрэ буолан олорон, Николай Габышевтыын сү-
бэлэһэн баран, П. Ойуунускай олоҥхотун 8-с баһын подстрочнай
тылбааһын миэхэ кини сакаастаан оҥорторбута. Хаарыан киһи,
сүдү суруйааччы арыый эрдэ суох буолбута хомолтолоох. Кулан-
тай туһунан аҕыннахха — Василий Андреевич диэн оттон биһи-
ги өр сыллаах государственнай диэйэтэлбит уонна талааннаах
суруйааччыбыт буоллаҕа дии. Чех Антонин Запотоцкай, латыш
Вилис Лацис, литовец Юстас Палецкис, узбек Шараф Рашидов
курдук. Өрүкүйэ сылдьар омуннаах уонна наһаа боростуой киһи
этэ, биир сүдү үтүөтүнэн — П. Ойуунускай аатынан Литературнай
музейы тэрийэн сүһүөҕэр туруоруу диибин. Проза тылбааһыгар
Григорий Тарскай курдук уһуннук туруулаһан уонна айымньы-
лаахтык, тахсыылаахтык үлэлээбит киһибит суох. Киһи быһыы-
тынан олус аламаҕай, киэҥ билиилээх-көрүүлээх оҕонньор этэ.
Оттон Иннокентий Пухов туһунан кинигэҕэ балачча ахтыым
баар — киһи быһыытынан наһаа үчүгэй, учуонай быһыытынан
эмиэ киэҥ билиилээх, дириҥ культуралаах киһи этэ.
— Эйигин дириҥ ис хоһоонноох олус баай бибилэтиэкэлээх
киһинэн ааҕабын. Семен Титович Москваҕа устудьуоннуур сыл-
95