Page 103 - Иван Мигалкин. Сүрэхтэн саҕыллар санаалар

кэнниттэн аҕай Красноярскайдааҕы политехническай институту
бүтэрбит тутуу инженера — ханнык эрэ партияҕа үлэлиир. Кэр-
гэннээх, уоллаах кыыс оҕолордоох, уола Сэмэн, кыыһа Маарыйа
диэннэр. Сэмэннэр бутуллан хаалыахпыт диэхпин хата атын
(техническэй) суолунан барардыы тэринэр быһыылаах. Онтон
Гена диэн сири кытта ситимнээх агроном уоллаахпыт, кэргэн-
нээх, икки уоллаах. Кыра уола Тиитик диэн, ол иһин баҕа санаа-
бын биллэрбитим ыраатта:
Сиэним Тиитик уолугар
Сэмэн буолан эргиллиэм,
Эмиэ Орто дойдубар
Иһэн-аһаан тиргиллиэм!
Дьэ онно тиийэргэ 8—9 сыл наада, онно миигин туох соһон
тиэрпит үһү... Максим диэн уолбут Томскайга үрдүк үөрэҕи бүтэр-
битэ, манна ханнык эрэ биир тэрилтэҕэ үлэлиир — аныгы тэрил-
тэлэр ааттара уустуга уонна уһуна бэрт, мин курдук түөһэйэн
эрэр киһи өйүгэр туппат. Кэргэннээх, үс оҕолоох. Саамай кыра-
быт, оһоҕос түгэҕинээҕи оҕо Танчора Саха Государственнай уни-
верситетын английскай тылыгар салаатын бүтэрбитэ. Эмиэ хан­
нык эрэ киһи тыла сатаан өҕүллүбэт тэрилтэтигэр үлэлиир.
Эмээхсиним мин олохпор, үлэбэр сүүнэ оруоллаах, хаһан эрэ
күтүөтүм эппитигэр дылы — кини баар буолан биһиги син ыал
аатыран олордохпут. Усулуобуйа оҥорорун, үлэҕэ үтүрүйэ са-
тыырын быһыытынан хос ааптарым диэхпэр сөп уонна бастакы
ааҕааччым, кириитигим. Дьэ атын анал үөрэхтээх эҥин сорох ки-
риитиктэр курдук ньылаҥнаспат кириитик доҕор, сороҕор өссө
наһаалаталыыр да диэхпин баҕарабын. Ол иһин Тобуруокап-
тыы — оччоҕо эн суруй биитэр тылбаастаа, мин бэрэскигин бу-
һарыам диэтэхпинэ эмиэ буолуммат. Суруйааччылар тылларын-
өстөрүн истэрин таптыыр, көрсүһүүлэргэ, үбүлүөйдэргэ кыахтаах
эрэ буоллар сылдьан тэйэр, ол үбүлүөйдээн эҥин ньиргитэр ула-
хан суруйааччыларга тэҥнээн миигин өссө сэниир быһыылаах:
эн диэн суруйааччы буолуоҥ дуо, киһи тылын ылынаҥҥын дьон
курдук үбүлүөйдээн эҥин дарбыйбаккын диир. Ахсынньы аам-
даам тымныытыгар хабыс-хараҥаҕа ким кэлиэҕэй, эн оҕолоргун
кытта тиийиэҥ, онно оҥоробун дуо? — диибин. Били ыалы кэ-
рийэн аһааччы былыргы кими эрэ кэпсииллэригэр дылы, үбүлүөй
бөҕөҕө сылдьаҕын-сылдьаҕын да, бэйэҥ биирдэ да аһаппаккын,
ойоҕо баҕайы кэрээчэйэ, кэччэгэйэ бэрт буолан көҥүллээбэтэ
буолуо, Сэмэн Тиитэбис барахсан бэйэтин бэйэтэ бас билинэрэ
буоллар, куораты барытын да аһатыа этэ дииллэрэ буолуо, онон
соруйан миигин үөхтэрэн эрдэҕиҥ, — диэн кыһарыйан кыычыгы-
7' 99