Page 110 - Иван Мигалкин. Сүрэхтэн саҕыллар санаалар

митэ. Ол хоһоону Москваҕа Литинститукка бииргэ үөрэммит та-
баарыһым, нуучча аатырбыт поэта Сергей Каратов тылбаастаа-
та. Уонна «Кэлбэккин, киирбэккин билэ-билэбин доҕоруом...»
диэн саҥа хоһоону суруйдум:
Бээһээҥҥи курдук саныыбын
уһаабыт ол курус сайыны...
Бары да ыар кутурҕаҥҥа баттатан.
Харах уулаах Эйигин кистээбиппитин —
Мэҥэ Алданыҥ сымнаҕас,
сылаас буоругар...
Эн дойдуҥ баараҕай чээл мастара —
суугунуу ытаспыттара,
хойуу лабааларын санньытан
хоҥкуһан турбуттара.
Көҕөрөр-туналыйар киэҥ халлаан
Эн суох буолбуккун истээт,
харыстыыр уолун аһыйан,
өлгөм ардаҕынан
сири-дойдуну бүрүйбүтэ.
Мастар инчэҕэй таммаҕынан
ибиирдээн ылбыттара...
Номнуо сыл ааста дни, доҕоруом,
Эн ыраас майгыгын күннэтэ санатан —
Дьокуускайга хаампыт уулуссаларык
Харахха быраҕылла тубустулар.
Эйигин истиҥник суохтатан,
Кэрэ дууһабар бу баардыы
тардыстан —
Сайыммыт иһирэхтик сылаанньыйар.
Оттон мин өйбөр, доҕоруом,
Бэчээт дьиэтигэр көрсүһэ түһүөхтүү
санаа охсуллар —
Кэлбэккин, киирбэккин билэ-билэбин
Эн саҥаҕын истиэхпин баҕарабын...
Сэһэргэһэ хаамсыбыт киһи баар ини,
Элбэҕи кэпсиэх да этим —
«Алампаҥ» нууччалыы тылбаастанан
Москваҕа биһирэммитин, Эйигин
үөрдэн этиэх этим...
Баҕа санаа барыта кыаллыбат,
Биирдэ бэриллэр олохпут сокуона
Биһигиттэн тэйиппитэ Эйигин...
Мэҥэ Алдан үрдүнэн —
Кыталыктар кырыйа тайаараллар,
Кыҥкынас кылыһах ырыалара
Күөх дуолга ыраата иһиллэр...

Кыым. — 21.06.2012 с.
106