Page 113 - Иван Мигалкин. Сүрэхтэн саҕыллар санаалар

паппыта... Чааскылаах миини сыпсырыйа олорон, макан сабы
субуйа тарда-тарда, Николай Алексеевич наьыл, холку бэйэ-
лээхтик, олох да кыыһырбакка: «Эдэр эрдэххэ маннык да буо-
лааччы», — эрэ диэбитэ.
Н.А. Габышевтыын билсибит бастакы куммэр эргийдэххэ,
били русак-куобахтаах, тыатааҕы эттээх күөспүтүн хоторон, үөрэ-
көтө олорон, Прокопий Чуукаар миэхэ:
— Кырдьаҕас этин бастаан амсайар буоллаххына, үстэ суор-
дуу хаһыыр. Былыр-былыргыттан оннук үгэс баар...
Кыбыстан, тугу гынарбын билбэккэ саараабыппын керен,
Николай Алексеевич:
— Проня, чэ хаһыырбатын, «Дары природы» маҕаһыынтан
атыыласпытым, соҕуруу дойду тыатааҕытын этэ, биһиги, саха-
лар, абыычайбытын-таймабытын билиммэтэ буолуо, — диэн
улахан-улаханнык уобан, бэрт минньигэстик аһыы олорон, дэлби
күллэртээбитэ.
4 хонон баран, балаҕан ыйын 9 күнүгэр, сарсыарда эрдэ ту-
раммыт эмис кус буһаран, халбаһы, араас буулка, хас да бакыат
үүт атыылаһан поэт Анатолий Старостин сулууспалыыр Балаши­
ха таһынааҕы байыаннай куоракка барбыппыт.
Мин айан сирдьитэ буолбутум. Суолбут устата сэһэргээччи —
Николай Алексеевич, онтон Прокопий Чуукаар Москваны бэйэтин
биэс тарбаҕын курдук билэринэн уонна ханна, хаһыс автобус дуу,
троллейбус дуу тохтуурун өйдүүрүнэн иккиэммитин сөхтөрбүтэ.
Анатолийбыт наһаа да үөрэн көрсүбүтэ. Дьуһуурунай чаастан
көҥүллэтэн, гарнизон таһынааҕы ырааһыйаҕа тахсан олорбуп-
пут. Ити дьыл сайыныгар Анатолий Старостин Литературнай
институту бүтэрбитэ. Биэс сыл устата Евгений Долматовскай по-
этическай семинарыгар дьарыктаммыта. Кини үчүгэйдик инсти­
тута биллэрэ. Уруһуйдьутун иһин убаастыыллара. Үөрэнэрин
устата элбэх истиэнэ хаһыатын уруһуйдаабытын, хас бырааһын-
ньык ахсын плакаттары суруйарын преподавателлэр махтанан
кэпсииллэрэ. Оттон мин, кини быраата буоларбынан (эбэлэрбит
бииргэ төрөөбүттэр — кини ийэтин ийэтэ, мин аҕам ийэтэ), инсти­
тут үөрэҕин чааһын сэбиэдиссэйдэрэ миэхэ хара маҥнайгыттан
үчүгэйдик сыһыаннаһан барбыттара. Анатолий сулууспалыыр
аҕыйах ыйын иһигэр суруйбут хас да хоһоонун ааҕыталаабыта.
Үһүөн сөбүлээбиппит:
Ааспат,
арахпат
ахтыл^ан
алааспар
109