Page 114 - Иван Мигалкин. Сүрэхтэн саҕыллар санаалар

хаттаан
аҕалар:
тоҕо мин мэлдьитин
050 сааспын саныыбын,
хайы-үйэ оһон хаалбыт
ыллык суолбун көрдүүбүн?
Бу «Ийэ дойдум» диэн хоһоон этэ. Биһиги үһүөн алаастан
төрүттээх буоламмыт, Толяны уйадыйа истибиппит. Толябыт
баттаҕа күлтэччи кыргыылааҕа, бэйэтигэр олох барсыбат, салы-
быраабыт-илибирээбит саллаат куормалааҕа миигин наһаа уйа-
дыппыта. Соторутааҕыта диэри киниэхэ тэҥнэһэр мааны таҥас-
таах суоҕа эбээт! О, саллаат олоҕо куһаҕан да быһыылаах эбит
дии санаабытым. Онтон кини «Хаар» диэн хоһоонун аа5ан ис-
тэҕинэ, хараҕым уутун соттубутум:
Күн ахсын көһүтэр
үрүҥ туллук суругум,
эн ханна билигин
айаннаан иһэҕин?
Туохтан бүөбэй доҕорум,
суругун уһуннук күүттэрдэ?
Тыйыс дьыбар Сахам сиригэр
буурҕа түһэн, суол сүттэ дуу
биитэр сааскы дуолан уохтаах
иэйиибит уота өстө дуу?!
Ахтыыттан тымныйбыт санаакам,
Көтүүй, аймах дьоммор, дойдубар,
доҕорум туллук сурукчаанын
аара соһуччу көрсүөҥ, баҕар.
Тиийээт, айманан хаалбакка,
оргууй кууһаар чуумпуга
маҥнайгы көрсүһүү алааһын,
Алданым атаарбыт кытылын...
Анатолий хоһооннорун ааҕан бүппүтүн кэннэ, Николай Алек­
сеевич Дьокуускай сонунун, Прокопий институт олоҕун, онтон
мин дьоммут-сэргэбит хайдах олорорун туһунан кэпсээбиппит.
Киэһэриитэ арахсыбыппыт. Биһигини, устудьуон дьону, Толя
сайыһа хаалбыта...
Төннөн иһэн мин:
— Николай Алексеевич, Толяҕа саллаат формата төрүт бар-
бат дии, эн санааҕар?
— Кырдьык, солдат формата сатаан олорбото, тутта-хап-
та сылдьара, бэл, дьүһүннүүн Тима Сметаниҥҥа маарынныыр
буолбут, — диэн Николай Алексеевич хоруйдаата уонна ВДНХ-ҕа
сылдьыаҕыҥ диэтэ.
110