Page 189 - Иван Мигалкин. Сүрэхтэн саҕыллар санаалар

гэйиэн бу сиргэ» кинигэни Варя Потапова уонна Василий Саввин
кинигэлэрин быһыытынан көрүөххэ сөп.
1998 с.

ДЬОҤҤО ӨҺҮӨНҮ ТУППАТАҔЫМ
(Суруналыыс Б. Павловтыын сэһэргэһии)

70-с сылларга, социалистическай систиэмэ өрөгөйдөөн тур-
даҕына, дьон бары, этэргэ дылы, партияны, Ленини уруйдуу-ай-
халлыы сырыттахтарына Бүлүүйүскэй, Дыдаев, Потапова, Сав­
вин уо.д.а. курдук итинник халыыпка киириэхтэрин баҕарбат уйан
дууһалаах поэттар баар буолбуттара, мин санаабар, ити бириэ-
мэ ирдэбилэ это. Ол 60-с сылларга нууччаларга «шестидесят­
ники» диэн Евтушенко, Вознесенскай, Рождественскай уо.д.а.
курдук саҥа поэттар баар буолбуттара. Кинилэр тыһыынчанан
киһилээх болуоссаттарга хоһооннорун ааҕаллара, ыччакка туох
да наһаа популярнай этилэр. Бу талааннаах дьон партияны, со­
циализм ситиһиилэрин уруйдууртан дьалты турбуттара, ис са-
нааларын, дууһаларын туруктарын иэйэн-куойан суруйаллара.
Ол иһин оччотоойу былаастан үөҕүллүүгэ-үтүрүллүүгэ түбэспит-
тэрэ. Кинилэр хоһоонноругар, кэлэр кэми таайбыт курдук, көҥүл
тыына иһиллэр курдуга. Биһиги дьоммут, биллэн туран, кинилэр
курдук трибун, систиэмэни утары охсуһааччы буолбатах этилэр.
Кинилэр — айылҕаттан айдарыылаах, уйан дууһалаах, көнө, су-
дургу, саха дьоно — албын-көлдьүн олоххо олороллоруттан, ол
олох киһи, айымньы, норуот көҥүлүн тууйарын эттэринэн-хаан-
нарынан сэрэйбиттэрэ уонна хомойор-хоргутар иэйиилэринэн,
оҥостумматах иэдээннээх дьыльаларынан ону утары бырачыас-
таабыттара. Бэйэлэрин кэмнэригэр кинилэри «үтүөх-батаах сыл-
дьар арыгыһыт бэйиэттэр» диэн ааттыыллара. Поэт Иван Мигал-
кин бу дьону кытта бодоруспут, истиҥник доҕордоспут киһи. Кини
биһикки оччотооҕу кэм туһунан уһуннук сэһэргэспиппит.
— Уйбаан, эн бу ааттаммыт поэттары кытта хайдах бил-

сибиккиний?
— Урут «Чэчир» диэн эдэр поэттар кинигэлэрин холбоон кас­
сета таһаарар этилэр. Кып-кыракый, чап-чараас ытыс саҕа ки-
нигэлэри. Оччотооҕу туох баар талааннаах поэттарбыт үксүлэрэ
онно аан бастаан биллибиттэрэ. 1968 сыллаахха, мин 14 саас-
таахпар, Дмитрий Дыдаев, Альберт Бүлүүйүскэй, Василий Дедю-
185