Page 187 - Иван Мигалкин. Сүрэхтэн саҕыллар санаалар

бын: биһиги Уус Апдаммытыгар итиннээҕэр буолуох айылҕаттан
айдарыылаах ырыаһыттар ханна да биллибэккэ, талааннарын
ситэ арыйбакка улуус иһинэн муҥурдана сылдьалларыттан.
Дьэ, онтон, поэттар тустарынан этэр буоллахха, чаҕылхай
Сергей Васильевпыт уонна уһулуччулаах лиирик Баал Хабы-
рыыспыт бэйэлэрин кэмнэригэр ситэ-хото сыаналамматахтарыт-
тан эмиэ хомойо-хоргута саныыбын...
Билигин үлэ-хамнас үөһүгэр сылдьааччылартан Анатолий
Старостин, Николай Литвинцев уонна Василий Саввин бэйэ-бэ-
йэлэригэр маарыннаспат туһунан суоллаах-иистээх, талааннаах
поэттар эрээрилэр, урут олорон ааспыт убай поэттарын курдук
үөһэттэн сыаналаныы диэни билэ-көрө иликтэрэ киһиэхэ араас
хобдох санааны үөскэтэр... Арай бэйэлэрэ үлэлээбиттэрин кур­
дук үлэлииллэр, айбыттарын курдук айаллар. Ханнык да салалта
буолбакка, ол аата норуот, литератураны таптыыр ааҕааччы ки-
нилэри ис сүрэҕиттэн ылынар.
Үөһэ ааттаабыт поэттарбыттан Баһылай Саввины кытта
хаһан, хайдах билсибиппиний?
Үйэ чиэппэрин анараа өттүгэр 1973 сыллаахха тохсунньу ор-
тотугар Бүлүүтээҕи педучилищеттан Мүрү 8 кылаастаах оскуо-
латыгар практикаҕа кэлбитим. Биир үтүө кун партия райкомун
дьиэтигэр баар оройуоннааҕы «Ленинскэй тэрийээччи» хаһыат
редакциятыгар эбиэт кэннэ тиийбитим. (Билиҥҥи бибилэтиэкэҕэ.)
Хоһоон суруйар идэлээхпин, олору ааҕыаххыт дуо, көрөр буол-
лаххытына дьиэбиттэн аҕалыам диэбиппэр, маҥхайан эрэр бат-
тахтаах, арылыччы көрбүт киэҥ харахтаах, ортону үрдүнэн уҥуох-
таах киһини ыйан биэрдилэр. Ити Баһылай Саввин диэн поэт,
кини хоһооннорунан дьарыктанар диэтилэр. Оччолорго Баһылай
35 сааһыгар үктэнэн эрэр эдэр киһи буоллаҕа, оттон мин санаа-
бар, наһаа саастаах курдук көстүбүтэ. «Хоһоонноргун түргэнник
аҕал, үлэ чааһа бүтэ илигинэ», — диэбитэ Баһылай Баһылайабыс.
Хаһан дьиэбэр төттөрү баран, хоһооннорбун булан, наардаан
аҕалыахпар диэри чаастан ордук кэм аастаҕа. ол былаһын туха-
ры кини райком параднай аанын аттынааҕы түннүгүнэн көрө-көрө
күүтэн турбут этэ. Миигин ол сөхтөрбүтэ. Билиҥҥээҥҥэ диэри
ону истиҥник махтана саныыбын. Онтон нэдиэлэ иһинэн, тох­
сунньу 23 күнүгэр биир балаһа хоһооннорум бэчээттэммиттэрэ.
Барыта 11 хоһоон. Уон тоҕуспун туола илик эдэр киһиэхэ, миэ-
хэҕэ, поэзия киэҥ аартыгар үктэнэрбэр бастакы хардыым этэ.
Бу оҕотук сэмэй хардыыбын оҥорорбор аан бастаан көмөлөспүт
киһинэн Василий Саввин буолар. Ити сыл сайыныттан ыла саха
аатырар суруйааччыларын кытта Москваҕа билсэн барбытым.
183