Page 188 - Иван Мигалкин. Сүрэхтэн саҕыллар санаалар

1974 сыллаахха балаҕан ыйын 3 күнүгэр эмиэ «ЛТ»-гэ Баһы-
лай Саввин мин хоһооннорбун киирии тыллаан, хаартыскалаан
биир балаһаны таһаартарбыта. 70-с сыллар ортолоругар оро-
йуоннааҕы хаһыакка Баһылай Титов, Баһылай Саввин, Анатолий
Старостин уонна мин буоламмыт улэлии сылдьыбыт кэмнэрбит
баара. Икки Баһылайдар журналистикаҕа да, литератураҕа да
чахчы талааннаахтара, хайа да суһал матырыйаалы тургэнник
уонна хаачыстыбалаахтык суруйа охсор уратылаахтара. Анато­
лий анал үөрэхтээх худуоһунньук буолан, хаһыат макетын уус-
таан-ураннаан бэрт тупсаҕайдык оҥороро. Ол сылларга мин
кинилэртэн олоххо уонна айар үлэҕэ уһуллубутум, үөрэммитим
элбэҕэ буоллаҕа.
1980 сыл тохсунньу 9 күнүгэр аармыйаттан сулууспалаан
кэлэн бараммын, Баһылай Саввинныын хас да хонук бииргэ
сылдьыбыппыт. Кини олоҕор саамай ыарахан күннэрэ-дьылла-
ра этилэр... Уруккуну-хойуккуну ахтыһарбыт барыта уйадыйыы-
лаахтык тахсара. Биһиэхэ, сахаларга, «эрэйи эҥээринэн» тыыр-
быт диэн өйдөбүл баар. Төһө да эрэйдээх, кыһалҕалаах олох-
тоох буоллар, Баһылай Саввин поэзия таайтарыылаах кистэ-
лэҥнэрин уйан-намчы сүрэҕин ортотунан аһаран, бар дьонугар
үрүччэ сүүрүгүнүү сырдык, ыраас, дириҥ иэйиилээх хоһооннору
күлүмүрдэппит Поэт киэнэ бастыҥа буолар. Баһылай бэйэтин
көлүөнэтин поэттара Дмитрий Дыдаевы, Альберт Бүлүүйүскэйи
кытта эрэйи эҥээринэн тэлбит биир дьылҕалаахтар.
Үйэ чиэппэриттэн ордук кэм устата убай курдук туттан кэлбит
поэтым Баһылай Саввин сэрии сылларын тулаайаҕын оҕо сааһа,
эдэр сааһыттан ааһан-араҕан биэрбэт ыарыы буулааһына, аал
уоту оттунаары ыал буолаат, аҕыйах ыйынан кэргэнин, саха та-
лааннаах поэтессата Варя Потапованы күн сириттэн сүтэриитэ
сүрэҕэр төһөлөөх ыар охсуулаах буолта буолуой?!
Олох охсууларын бары очурдарын дьүккүөрдээх үлэтинэн
кыайбыт поэт Василий Васильевич Саввин «Мин кистэлэҥим»
диэн бастакы кинигэтиттэн 21 сыл устата соруйан умнууга сыры-
тыннарбыттарын кэннэ таһаартарбыт «Үрүччэ сүүрүгэ» итиэннэ
бу күннэргэ «Бичик» национальнай кинигэ кыһатыгар М.В. Ми-
галкина редактордааһынынан тахсан эрэр «Ыра — ырыам ымыы-
та» диэн талыллыбыт айымньылара саха поэзиятыгар кэрэ-бэ-
лиэ суолу хаалларарыгар улахан эрэл баар. Баһылай кэргэнэ
Варя Потапова кинигэтин 17 сыл устата таһаарбакка сылдьыбыт-
тара. Онтон «Үчүгэйиэн бу сиргэ» диэн ааттаан Варя Потапова
иккис кинигэтин түмэн, оҥорон таһаарбыттара. Онно сорох дьон
буруйунан Баһылай 21 хоһооно киирэн хаалбыт этэ. Онон «Үчү-
184