Page 185 - Иван Мигалкин. Сүрэхтэн саҕыллар санаалар

рар этим. Онтон үөрэнэн истэҕим ахсын, нуучча классиктарын
уонна саха бастакы суруйааччыларын айымньыларын сөбүлээн
аахпытым, кинилэртэн төрөөбүт төрүт тыл дириҥ сүмэһинин сом-
субутум, — диэн.
1969 сыллаахха Бүлүүтээҕи педучилищеҕа 15 саастаах уол-
чаан туттарсан киирэн бараммын, урукку өттүгэр үчүгэйдик аах-
патах биир дойдулааҕым Николай Босиков «Дойдубар сурук»
диэн ааттаах, таһыгар сибэкки ойуулаах, маҕаһыыҥҥа саҥа
киирбит кинигэҕэ түбэһэн, үөрэн-көтөн, уонтан тахсалыы үөрэ-
нээччи симиллэр хоһугар кэлбитим.
Дойдубун ахтарым бэрдиттэн наһаа уйадыйан, ыраах баар
ийэбин субу баардыы көрө тураммын, поэт «Ийэ сүрэҕэ» хоһоо-
нун хараҕым уутун кистии-кистии аахпытым:
Ийэкээм, эйиэхэ — алааһым сирэмэр,
Эргиллиэм
Мутукча тыллыыта,
Эргиллиэм
Көччөх кус көтүүтэ.
...Үөрүүгүн-көтүүгүн,
Ийэкээм, үллэстис.
Оччоҕо ахтылҕан ааһыаҕа,
Ахтылҕан үөрүүгэ саһыаҕа...
Эн уолуҥ аттыгар баар буолуо,
Сүрэххин дьолунан угуттуо...
Поэт Николай Босиков хоһоонноро ураты мелодиянан кутул-
лубуттара. Ахтылҕан ыраас иэйиитин нарын, сып-сылаас сүүрээ-
нинэн куустаран, үөрүүбэр үөрүүнү үрдэтэн, хомолтобор хомол-
тону холбоон, тапталбар тапталы айылҕа сэмэй суугунунан таа-
рыйтаран...
Эдэр саастарыгар күлүмнэтэ үлэлээн, элбэҕи тоҕо-хоро айан
баран, кырдьар саастарын диэки улам-улам мөлтүү быһыытыйар
суруйааччылар баар буолаллар.
Николай Босиков литератураҕа хара маҥнайгыттан сонун куо-
ластаах, туспа суоллаах-иистээх, сааскылыы эрчими бэлэхтиир
поэт, оло5у мындырдык ойуулаан, дириҥэтэн көрдөрөр прозаик,
лирическэй хабааннаах сэһэнньит үтүөтүн быһыытынан киир-
битэ. Кини элбэҕи аахпыт, билбит-көрбүт киһи буоларынан, бары
суруйуулара ааҕааччыга истиҥник тиийимтиэлэр, долгуталлар.
Ол эрчимэ олоҕун тиһэх күннэригэр диэри уҕараабакка, улахан
булчут булдун эккирэтэн халыҥ систэринэн тэлэһийэн, сылаа-
ны-сылбаны умнан туран сылдьарыныы, кини суруйуулара, по-
эзията буоллун, прозата да буоллун өрүү киэҥ далааһыннаах,
дириҥ толкуйдаах, эдэрдии эрчимнээх, күүстээх-уохтаах.
181