Page 190 - Иван Мигалкин. Сүрэхтэн саҕыллар санаалар

кин, Василий Гольдеров тахсыбыттара. 1972 сыллаахха Василий
Саввиннаах Варвара Потапова, Иван Сысолятин уо.д.а. буо-
ланнар. Мин онно кинилэри аахпытым. Холобур, Дмитрий Ды-
даевы биирдэ да көрбөтөх киһим эрээри, итинтэн билиэхпиттэн
сөбүлүүр, эккирэтэн туран ааҕар буолбутум. Онон кинилэр поэзи-
яларын билэр уонна ылынар буоламмын, сааспынан төһө да ба-
лыс буолларбын, доҕордоһон, бодоруһан сылдьыбытым. Уолбут,
бырааппыт диэн тэҥҥэ илдьэ сылдьыбыттара.
Варвара Потапованы кытта 1974 сыллаахха кыһын тохсун-
ньуга Москваттан каникулга кэлэ сылдьан билсибитим. Саҥа хо-
һооннорбун бэчээттэтээри «Эдэр коммуниска» олордохпуна, кэ-
биниэккэ киирэн кэлбитэ. Николай Герасимов-Айталын билиһин-
нэрбитэ. Урут хоһооннорун аахпыт, талааннааҕын билэр буолан,
сүрдээҕин сэргии көрбүтүм. Ол киэһэ Айталынныын Варя дьиэ-
тигэр баран өр олорбуппут, сэһэргэспиппит. Сарсыҥҥы күнүгэр
кини кинигэтин автографтаан биэрбитэ. Ону билиҥҥэ диэри уура
сылдьабын. Ити курдук оччолорго дьон икки ардыгар сыһыан су-
дургу буолан, айар дьон дөбөҥнүк билсэр, доҕордоһор этибит.
— Эһиги сажана кинигэ тахсыыта туох суолталаах этэй?
— Оччолорго дьон наһаа ааҕар этэ. Кинигэ таҕыста да, тута
биллэн хааларыҥ. Иккиһинэн, төһөнөн элбэх кинигэлэнниҥ да,
Суруйааччылар сойуустарыгар киирэҕин. Онно киирбэтэххинэ,
эйигин ким да суруйааччынан аахпат. Мин бастакы кинигэм
1976 сыллаахха 22 саастаахпар «Чэчиргэ» тахсыбыта. Москваҕа
Литературнай институкка үөрэнэр буоламмын, Сэмэн Данилов,
Леонид Попов өйөөбүттэрэ. Онтон хоһооннорум иккис кинигэтэ
16 сыл буолан баран бэчээттэммитэ. Ити кэм устата төһөлөөҕү
да суруйбутуҥ таах хаалар, сааскар сүүйтэрэҕин, сайдыыга буол-
бакка, кэхтиигэ бараҕын. Альберт Бүлүүйүскэй, Варвара Потапо­
ва, Василий Саввин, Дмитрий Дыдаев олох уларыйбытын кэннэ
20, 30 сыл буолан баран бэчээттэннилэр. Ол аата, маннык поэт-
тар бааллара диэн норуоттарыттан кистээн кэбиспиккэ тэҥнээх.
— Оччотоо$у кириитикэ эһигиттэн тугу ирдиир этэй?
Тугу тутуһар этилэрэй?
— Наар туе олоххутун, ис туруккутун суруйаҕыт, тапталы туо-
йаҕыт, хоһоонноргут санаа түһүүлээхтэр. Социализм ситиһиилэ-
рин, ыччат күүрээнин көрдөрбөккүт диэн. Биһиги онно утарарбыт
маннык этэ: туе иэйиинэн, олоххо тапталынан да ыччат күүрээ-
нин көрдөрүөххэ сеп. Кинилэр биһигиттэн лоп бааччы уруйдаа-
һыны-айхаллааһыны эрэйэллэрэ. Оннооҕор боростуойга да ту-
туһар этилэр. Холобур, мин «Сахалар тыһыынчанан саастаах
сулустарбыт» диэн хоһоонноох этим. Ону илдьэн көрдөрбүппэр:
186