Page 242 - Иван Мигалкин. Сүрэхтэн саҕыллар санаалар

Айыл поэзиятын тардар күүһэ туохханый диир буоллахха, туе
бэйэтин сэмэй майгытын, былыр-былыргыттан кэлбит саха киһи-
тин бүгүрү үлэһитин быһыытынан, тулалыыр эйгэҕэ биллэ-көстө
сатаабатаҕын үрдүнэн, кини айымньылара алаас ураты кэрэти-
нэн аабааччыны долгуталлар, сырдык сыдьаайынан кэрэхсэтэл-
лэр. Василий Петров-Айыл «Үтүөкэн бу Орто дойдуга» олорон
эрэ ааспыта диэбэккэ, «кыыс оҕо ырыатын кылыһаҕар кыттыһар,
уол 050 оһуокайын омунугар холбоһор бар дьон тылыгар Айыл
ПОЭТ дэнэр!».

Алаас ырыаһыта — Айыл поэт. — 2014 с.

СОҺУЧЧУ ҮӨРДЭР, ТОЛКУЙДАТАР поэзия

Ааспыт үйэ 90-нус сылларыттан саха литературатыгар поэт
быһыытынан сөбүлэппит, ураты буочардаах суруйууларынан кэрэх-
сэппит Егор Гаврильевич Старостин-Байаҕантай «Эн биһикки көр-
сүбэтэхпит ыраатта» саҥа кинигэтин ааҕа олороммун элбэҕи да
эргитэ санаатым. Ырааппыт да эбит, соһуччу үөрдэр, толкуйдатар
поэзиялыын алтыспатаҕым, дууһалыын сылаанньыйбатаҕым.
Поэт Байаҕантай хоһооннорун тоҕо истиҥник ылынабыный
диэтэххэ, кини хас биирдии хоһоонугар киһи уйулҕатын уһугунна-
рар, салгыы элбэҕи толкуйдатар ураты сүүрээннэр эккинэн-хааҥ-
ҥынан «дьырылаан» киирэллэриттэн.
Сириэдийбит аар хатыҥ
хаарга баттатан турар,
сырдык түүллэри түһүүр,
сылааһынан ыраланар.
Лабааларын быыһыгар
чыычаах ырыата
кырыа буолан тоҥмута
күн уотугар оонньуур. —
диэн айылҕа киэҥ, дэлэгэй көстүүтүттэн суос-соҕотох аар хаты-
ҥы уобарастаабытын күүһэ — поэт барыга-бары «кыраҕы харах-
тааҕын» толору итэҕэтэр. Ол да иһин поэт Байаҕантай ааҕааччы-
ны соһуччу үөрдэр, чуҥкуйбут санаатын сэргэхситэр. сылаас
тыынынан толкуйдатар айымньылары талааннаахтык суруйар:
Күөх сэбирдэх, кинигэ быыһыгар
эйиигин хатарбыттар.
Сайын бытархайын санааларыгар
хаһаана сатаабыттар.
238