Page 243 - Иван Мигалкин. Сүрэхтэн саҕыллар санаалар

Үүт тураан киэһэлэр бааллара
миэхэ даҕаны анаан.
Оччоҕо ыпсаҕай хоһоон тыллара
суруллаллара сатаан.
Бүгүн хоһоонум — хаппыт сэбирдэх.
Тыла-өһө тоһуттаҕас.
Баар үһүө киниттэн кэбирэх,
тыалга-кууска аһаҕас...
Киһи уонна Айылҕа биир ситимнээхтэрин поэт күөх уонна хап­
пыт сэбирдэх нөҥүө хоһуйар. «Сайын бытархайын санаабыты-
гар хаһаана сатааһыммыт» биһиэхэ, сахаларга, эппитигэр-хаам-
мытыгар иҥэн сырыттаҕа... Ол эрээри күн-дьыл ааһан истэҕин
аайытын биирдэ бэриллэр олоххо кэлбит, үктэммит, сириэдийбит
барыта «хаппыт сэбирдэхтии кэбирэх уонна тоһуттаьас» буолара
тыл күүһүнэн итэҕэтиилээхтик этиллэр.
Философ уонна психолог быһыытынан Егор Старостины-Ба-
йаҕантайы үрдүктүк сыаналыыбын. Итини тэҥэ, билиҥҥи кэмҥэ,
бэйэтин көрүммэт, сууммат-тарааммат, ыһыллаҕас киһилии хо-
һоон диэн ааттанар суруйуулар элбээбит кэмнэригэр, дьиҥ поэ-
зияны булан ааҕыы соһуччу үөрүүлээҕин тэҥэ, олус да күүттэри-
илээх буолла. Поэт Байаҕантай хоһооннорун саха ааҕааччылара
кэрэхсээн өрүү күүтэллэр, сэргииллэр. Кини поэзия аартыгар
киириитигэр олоҕун доҕоро, кэргэнэ Лариса Петровна күүс-көмө
буолбута чахчы. Күн сирин сырдыгын көрдөрбүт кыргыттара:
математик-экономист, аспирантка Анна уонна юрист Мария, кы-
ракый сиэннэрэ Камилла поэт Байаҕантай сирдээҕи олоҕун ку-
та-сүрэ, дьоло, инникигэ эрэлэ буолаллар. Эрэллээх киһи —
элбэҕи айар.
Норуоттар икки ардыларынааҕы Суруйааччылар сойуустары-
гар Е. Г. Старостины-Байаҕантайы мэктиэлиирбэр манныксуруй-
бутум: «С 1991 года работает в Институте физико-технических
проблем Севера им. В. П. Ларионова СО РАН. Доктор техниче­
ских наук. Профессор кафедры теплофизики и теплоэнергетики
СВФУ им. М. К. Аммосова. Е. Г. Старостин-Байаҕантай — член
Союза писателей Республики Саха (Якутия). Можно с уверен­
ностью сказать, что он представляет собой сплав всех качеств
настоящих физиков-лириков: естественные знания в нем состав­
ляют единое целое с гуманитарной подготовленностью талант­
ливого поэта-мастера художественного слова со своеобразным
творческим почерком. В своих стихах он воспевает любовь к Ро­
дине, к Женщине, уважение к личности человека. Стихи отлича­
ются особым психологизмом, наполнены чувством и думами по­
23 9