Page 244 - Иван Мигалкин. Сүрэхтэн саҕыллар санаалар

эта наедине со всем Космосом. Все его творчество философски
пронизано духом добрых человеческих взаимоотношений».
Поэт Байаҕантай туһунан кылгас суруйуубун кини хоһоонунан
түмүктүүбүн:
Баар киһи өйүгэр-санаатыгар баппат эйгэ,
Ким эрэ таба үктэнэр дьолго, ким эрэ эрэйгэ.
Онно да хараҥа-сырдык солбуһаллар,
Үрүҥ-хара сурааһыннар субуһаллар.
Сааһылыы-наардыы сатыыртан айылыннаҕа
Аҕыс хаттыгастаах халлаан айылҕаҕа.
Сурук-бичик буолан түһэр онно холоон
кээмэйдээх-хаарчахтаах көнө хоһоон.

АЙЫЛҔАЛЫЫН АЛТЫСПЫТ ЫЛДЬАА БАРАХСАН...

Олох барахсаҥҥа сааскылыы сырдык санаанан, маҥнайгы
тунал хаардыы ыраас дууһанан тардыстыбыт эдэркээн сааста-
рым эриэккэс чаҕыл күннэрэ ааспыттара түргэнин суохтааммын,
арыт-арыт улаханнык иэйэн-куойан ахтан ылабын.
Оччоҕуна, А. М. Горькай аатынан Москватаайы Литератур-
най институкка үөрэнэр сылларбар ыкса билсэн, үчүгэйдик бо-
доруһан доҕордоспут уолбун Илья Сивцеви истиҥ-иһирэх үтүө
өйдөбүлүнэн санааммын, туоххаһыйа суохтуубун. Кини элэккэй,
кыраттан да эгди буолар үөрүнньэҥ уонна олус көнө майгылаа-
ҕа. Уһун куудара баттаҕа мааны кыыстыы кэмчиэрийэр сиккиэр
тыалтан өссө эбии будьуруйан, долгун курдук онон-манан ыһыл-
лан, ис дууһатыттан күлэн-үөрэн, арылыйа мичээрэн, миигин
тиэтэтэн ыҥыра турара, харахпар бу баардыы көстөн кэлэр.
Ылдьаа оҕотук сааһыттан тыа сирин ханнык баҕарар үлэтигэр
эриллэн-мускуллан бэйэтин лаппа кыанара, сааскы, күһүҥҥү
булка сыстаҕас буолан, түргэн туттунуулааҕа. Онтон туохха эмит
ыксаан, хааман-сиимэн бардаҕына, элэгэлдьитэн олус түргэнэ,
мээнэ киһи кинини сиппэт буолара. Аан дойдуга тиийэ сураҕырар
музейдарынан, театрдарынан, маны тэҥэ, саха дьонун сиэринэн
чугас дьоммутугар-сэргэбитигэр соҕуруу дойдуттан кэһии гынаа-
рыбыт Москва аатырар улахан маҕаһыыннарынан төһөлөөх эл-
бэхтэ бииргэ сылдьыбыппыт буолуой? Бэйэм да түргэн хаамыы-
лаах киһи, Ылдьааҕа лаппа баһыйтарарым.
Эдэр дьон буоларбытынан, уһун түүнү кылгата аһаҕастык
кэпсэтэрбит. Төрөөбүт-үөскээбит, киһи-хара буолбут Намыгар
24 0