Page 277 - Иван Мигалкин. Сүрэхтэн саҕыллар санаалар

киниэхэ: «Дьэ доҕоор, Куолдьарап тылбааһа — тылбаас да тыл-
баас, тыл да тыл!.. Аҕыйах сиргэ оллур-боллур баарын көннөрөн
биэрбит кэннэ, — уу сүүрүгүн курдук субулунна. Музыка кур-
дук!!!» — диэн хайҕаан суруйбут (М. Тимофеев. Дьону үөрдэ сы-
рыттарбын... — Софрон Данилов туһунан ахтыылар. — 1996 с.).
Кэлин таайбыттан ити эн тоҕо суруйбат буолан хаалбыккы-
ный диэн ыйыттахпына: «Хрущев ириэриитин кэнниттэн Леонид
Брежнев былааска олордоҕуна ССКП Киин Кэмитиэтэ сыыйа-
баайа айар үлэһиттэри, суруйааччылары наһаа хааччахтаабы-
та, кытаанах цензура олохтообута уонна барыта партия ыйыы-
тынан-кэрдиитинэн эрэ суруйуу буолан барбытын иһин тохтообу-
тум. Туох диэн сымыйанан хайҕаан, аҕала сатаан суруйуохпунуй.
Ол оннугар кыыһым Саргылаана (Саргылаана Гольдерова-Сар-
гы Куо) мин оннубар, миигиннээҕэр уон төгүл ордук суруйар, мин
ааппын ааттатыа», — диирэ. Чахчыта, оннук да буолта.
Оттон саха норуодунай поэта Василий Сивцеви кытары бил-
сэрбиттэн, сэлэһэрбиттэн уонна киниттэн уус-уран литература
боппуруостарыгар сүбэ-ама ыларбыттан астынабын, сүрдээбин
үөрэбин. Кини поэт, кириитик, тылбаасчыт, эссеист, публицист
быһыытынан ааҕааччы киэҥ араҥатыгар биллэр, билиҥҥи кэм
аҕа көлүөнэ суруйааччыларын биир чаҕылхай бэрэстэбиитэлэ
буолар. Поэзия муҥутуур үрдүк көрүҥэ — сонеты саха уус-уран
литературатыгар киллэрбит, төрүт дорҕоону, истиҥ иэйиини со-
некка күндү таас оҕуруолуу тиспит уһулуччу талааннаах поэт.
Кини сонет саамай уустук, ол эбэтэр итальянскай форматын тут-
тан, Варлаам Калабрийскай үөрэнээччитэ, Италия уһулуччулаах
диэйэтэлэ, бэйэтин кэмин аатырбыт поэта Франческо Петрарка
ньыматынан 600-тэн тахса сонеты суруйда. Мин билигин аҕам
саастыыта, ытыктыыр, сүгүрүйэр Василий Тарааһабыспыныын
эн-мин дэсиһэ, күннэтэ билсэ-көрсө, кэпсэтэ-сэлэһэ, алтыһа сыл-
дьарбынан дьоллоохпун.
Айталын хоһооннорун, сэһэннэрин, Гаврил Угаров фантасти-
катын, Василий Титов кэпсээннэрин-сэһэннэрин оҕо эрдэхпиттэн
ааҕан улааппытым. Ол саҕанааҕы оҕо үксэ сахалыы саҥа кини-
гэни барытын умсугуйан ааҕар этэ буоллаҕа.
Гаврил Угаровы билэбин. Баһылайы да, Айталыны да көр-
бүтүм, биирдэ-иккитэ көрсөн тыл бырахсан кэпсэппитим эрээри,
онно үксүгэр ыйытыыларыгар хоруйдаабытым буолуохтаах. От­
тон Юрий Иванович Васильев-Дьаргыстай миигиттэн быдан аҕа
эрээри биир уулуссаҕа үөскээбит, оҕо эрдэхпиттэн кинини истэн
билэр, университекка саха салаатыгар кэтэхтэн үөрэниэхпиттэн,
салгыы аспирантураҕа үөрэнэрбэр элбэхтик сэлэспит, сүбэлэп-
18-355 2 7 3