Page 321 - Иван Мигалкин. Сүрэхтэн саҕыллар санаалар

йиччи быар куустан турбута... Бибилэтиэкэбиттэн 30-ча кинигэни
дьыбааҥҥа тэлгэппитим. Барыта дьоппуон ааптардарын. Саха-
лар дьоппуон литературатын бэл бу кыракый дэриэбинэҕэ тап-
таан ааҕаллар, үөрэтэллэр диэн тылбаасчытынан этиппитим.
Кинилэр ханньаахха олох чугаһаабатахтара, буокка иһиллибитэ.
Үөрэн-көтөн, оҕолорум аайы кэһии, бэлэх биэрэн, остуолбут
оһуохайынан түмүктэммитэ. Кинилэр аһара үрдүк культуралаах-
тарын, национальнай диэн тылы үрдүктүк туталларын онно бэ-
лиэтии көрбүтүм.
Кэлин уонтан тахса дьоппуону Кулантай аатынан Литератур-
най музейга хоннорбуппут. От ыйынааҕы куйаас күннэр туран,
икки этээстээх дьиэбитигэр муостанан кымырдаҕас, түннүккэ сах-
сырҕа да, бырдах да хойдубута. Ону хоноһолорбут көрүөх бэ-
тэрээ өттүгэр олус үчүгэй сыттаах эминэн ыстаран, үөнү-көйүүрү
биир да суох оҥорон сөхтөрбүттэрэ...
Ниигатаҕа диэри 1 чаас 20 мүнүүтэлээх көтүүгэ дьэ итинник
урукку-хойукку санаалар төбөбөр охсуллан аастылар, киһи өй-
дөбүлэ кумах курдук суураллыбакка өрүү өйгөр-санааҕар дириҥ-
ник иҥэн сылдьар эбит. Аэропорка түһээри сөмөлүөппүт намтаа-
бытыгар иллюминаторынан, дьиҥ илиҥҥилии архитектуралаах
сиэдэрэй тутуулар, бэлисэпиэттээх элбэх киһи баара барыта
күөх быыһыгар адьас атын судаарыстыба алыптаах остуоруйа
дойдутунуу арылыйа сырдаан көстөн кэллэ. Ис-испиттэн долгу-
йан: «Дорообо, Япония», — диибин.

2. Киһи буолуу анала үрдүгүн эт-хааҥҥынан билэҕин

Таможня бэрэбиэркэтин ааһарбытыгар олохтоохтор бэйэлэ-
ринэн кэлэн, декларациябытын толорорго ыйан-кэрдэн биэрэн
көмөлөспүттэригэр махтанабын. Туттардыын-хаптардыын ис
киирбэх майгылаах дьон. Сахаларга олох атын, ураты сайаҕас
сыһыаннаахтара харахха быраҕыллар.
Биһиги дэлэгээссийэбитигэр билиҥҥи кэм интэлигиэнсийэ-
тин чулуу бэрэстэбиитэлэ, Экология институтун дириэктэрэ, био-
логическай наука дуоктара, профессор Д.Д. Саввинов, саха но-
руотугар киэҥник биллибит норуодунай суруйааччылар: Духуо-
бунас академиятын вице-президенэ, П.А. Ойуунускай аатынан
Государственнай литературнай музей дириэктэрэ И. А. Лугинов,
А. Твардовскай аатынан Литературнай бириэмийэ лауреата, Ду-
хуобунас академиятын академига, «Саха сирэ» хаһыат кылаабы-
най редактора И. И. Харлампьева, «Якутия» хаһыат кылаабынай
редактора, П. Ойуунускай аатынан Государственнай бириэмийэ
317