Page 324 - Иван Мигалкин. Сүрэхтэн саҕыллар санаалар

туристары таһаараллар эбит. Онно Надежда Тадагава сирдээн
Н.А. Лугинов, И. И. Харлампьева, В. Н. Федоров, А. В. Мигалкин
уонна мин буоламмыт сырыттыбыт. Итинник үрдүктэн Токионы ке-
рөр интэриэһинэйэ бэрдиттэн, хоһоон строкалара кутулуннулар:
Сахалыы тылым
Сайаҕас сылааһын,
Сүрэҕи ил гына үөрдэр
Иһирэх майгытын,
Дууһаны өрүкүтэр
Үтүөкэн сыһыанын
Уйаннык,
Уйаҕастык
Дьырылыы умайан
Ылынным —
Дойдубуттан,
Мүрү алааспыттан
Кый ыраах Японияҕа
Сылдьаммын...
Сэргэхсийэ
Сэмээр санаатым —
Чыпчаалга, үрдүккэ
тардыстан
Аан дойду олоҕор
Симэлийэ
Сүтэн хаалбатар
Сахам тыла барахсан.
Токио башнятын аттыгар баар биллиилээх дьон кылабыыһа-
ларыгар киирэ сырыттыбыт. Биһиэхэ венок уурулларын оннугар
кинилэргэ уһун хаптаһын курдукка иероглифтары суруйаллара
таастан сиэдэрэйдик мындырдаан чочуллубут пааматынньык-
тарга ураты көстүүнү, нүһэр тыыны биэрэр курдуктар. Дэлэҕэ,
Япония норуотун ойуулуур-дьүһүннүүр искусствотыгар скульпту­
ра түҥ былыргы көрүҥүнэн ааҕылларын өйдүү-саныы түһэҕин.
Кинилэргэ скульптура III—XIV үйэлэргэ муҥутуурдук сайдыбыта.
Балаҕан ыйын 23 күнэ өлбүттэри Кэриэстиир күн буоларын
былыргы храмҥа сылдьан биллибит. Таҥара үлэһиттэрэ Кэриэс-
тэбили хайдах быһыылаах-майгылаах ыыталларын билистэххэ,
дүҥүр күүстээх дуорааныгар маарынныыр, ол быыһыгар киһи
дууһатын ортотугар сытыытык долгутан киирэр наһаа намыл-
хай, тохтообокко ытаан эрэрдии энньэлитэр музыка бамбукка
уонна барабааннарга оонньонор. Олоппосторго сүүһүнэн киһи
төбөлөрүн хоҥкутан олороллор. Саҥа Дьыллааҕы киэргэли сана-
тар кыһыл көмүс дуйдаах сиргэ тиийэ намылыйбыт уһун синньи-
гэс кумааҕылар ыйаммыттар. Кэлбиттэр өттүлэриттэн уу чуумпу.
Санаарҕабыл ырыата хатаннык эйээрэр. Бары бэйэлэрин чугас
320