Page 326 - Иван Мигалкин. Сүрэхтэн саҕыллар санаалар

гэр эмиэ барыам, — диэн ыйытыыларбар хоруйдаан эппиэттиир
уу сахалыы көҥүллүк саҥарар 26 саастаах Фуюки. Кини ийэтэ
медсиэстэрэнэн, оттон аҕата преподавателинэн үлэлииллэрин
туһунан сахалыы тылынан кэпсээтэ.
Япония айанын суола көнөтүнэн, оҥоһуута үчүгэйинэн аан
дойдуга тэҥнээҕэ суоҕа биллэр. Дьэ, ол иһин кини оннооҕор Чу-
рапчы суолун уу сахалыы «аппалаах-дьаппалаах» диир эбит.
Мин кинини, Фуюкины, аны саас Уус Алдаҥҥа ыалдьыттатыах
буолан эрэннэрдим. Арай суолбут «аппата-дьаппата» чурапчы-
лардааҕар өссө элбэҕин санаппыппар мичээрэн ылла.
Сарсыарда аайы биһиги сахалар «Нью Отани» гостиницабыт
40-с этээһигэр аһыыбыт, бары болдьоспут курдук тэҥинэн кэлэ-
бит. Бу 100-тэн тахса миэтэрэ үрдүктээх сиртэн Токио үчүгэйдик
көстөр. Олохтоохтор олус культуралаах дьон, гостиница үлэһит-
тэрин көрүстэргин эрэ бары тоҥхоҥноон дорооболоһоллор. Хан­
на да сырыттаргын үтүрүйсүү, анньыалаһыы диэни көрбөккүн.
Барыта орун-оннугар, лоп бааччы туттуу, тоҥхоҥноон көрсөллөр,
мичээрэллэр, ыалдьыкка эйэҕэс сыһыаннарын көрдөрөллөр.
Киһи бу дойдуга бэйэтин дьиҥнээх КИҺИ быһыытынан сананар.
Киһилии сыһыан ураты күүстээҕин өйдүүр, билинэр эбиккин.
Император дыбарыаһын Токиотааҕы садын полицейскай
управление 500 сыл устата харабыллаан кэлбит. Оттон импера-
торскай араспаанньа 1300 сыл историялаах эбит. Былыр-былыр-
гыттан муоратааҕы флоттан таҥыллан император ансаамбыла
диэн тэриллэр. Аҕа дойду Улуу сэриитигэр Япония аармыйата Сэ-
биэскэй Сойууска хотторбутун кэнниттэн үйэлэр тухары 50 музы­
кант тутуллубутун икки төгүл аччатан 25 музыканы хаалларбыт-
тар. Хас биирдии эбиэт уонна киэһээ аһылык музыканан доҕу-
һуолланар үһү. Бу туһунан «Токио Синема» компания президенэ,
режиссера уонна продюсера, нууччалыы үчүгэйдик билэр Окада
Казуо биһигини батыһыннара сылдьан кэпсээтэ. Япония бы-
лыргы аристократтарыттан төрүттээх Окадо Казуо бэйэтин оло-
ҕун туһунан киһи элбэҕи кэпсээн улахан интэриэһи тардыан сөп.
Император дыбарыаһын садын ото-маһа уратытын, сибэк-
килэрэ дэлэйин сөҕөммүн хоһоон строкаларынан саҥарыахпын
баҕардым:
Сир Ийэттэн
Сириэдиһэн,
Сибэккилэр
Сиэттиһэ үүммүттэр,
Күлүмнүүр күҥҥэ
Көөчүктэнэн,
Эминньэхтэринэн
322