Page 322 - Иван Мигалкин. Сүрэхтэн саҕыллар санаалар

лауреата В.Н. Федоров, биллиилээх поэтесса Саргылаана Голь-
дерова, дьоппуон тылын бэйэтэ үөрэтэн баһылаабыт СИА фото-
корреспондена П.С. Оконешников, СР Тас сыһыаҥҥа министиэ-
ристибэтиттэн дьоппуон тылыгар идэтийбит эдэркээн тылбаас-
чыт Ким Борисов уо.д.а. бааллар.
Ниигата вокзалыгар 19 киһи ус таксинан айаннаатыбыт.
Бастаан утаа киһи таксига олоруон, киириэн да туттунара —
муус макан таҥаһынан олбохторо бүрүллүбүтэ, аһара ырааһа,
мин курдук тыа сирин буордаах-быыллаах массыынатыгар наар
айаннаабыт киһини кэтэмэҕэйдэтэн ылла. «Синкансен» стан-
цияттан Токио куората 500 биэрэстэ эбит. Ону скоростной поез-
пыт хас эмэ тохтобулга тохтоон да ыллар, 2 чаас 6 мунуутэнэн
Токио вокзалыгар тиийдибит. Манна халлаан киэһэ 5 чаастан
хараҥарбытынан барар. Поеһынан айаннаан иһэн, 9 этээстээх
автостоянкалары кердум, олор поезпыт адьас аллараа еттугэр
хаалаллар... Үрдүк этээстээх дьиэлэр аһары симсэ тутуллубут-
тарын, ото-маһа күөҕүнэн сириэдийэн дэлэйин, араас дьэрэкээн
уотунан күлүмүрдүү оонньуур рекламалар ураты сиэдэрэйдэрин,
уус-уран хартыына курдук киһини абылыы тардалларын сөҕөҕүн.
Эмиэ таксиларга олорон, Токио киинигэр баар «Нью Отани»
гостиницаҕа чугаһаан иһэн көрдөххө, массыына суолун кытыы-
тынан эдэриттэн кырдьаҕаһыгар тиийэ саастаах дьон сүүрэ сыл-
дьаллара биһиэхэ күһэйии күүһүнэн тахсар күһүҥҥү маассабай
кросспутун санатар.
«Нью Отани» гостиницаҕа суруйааччылар бэһиэн 10-с этээс-
кэ кэккэлэһэ нүөмэрдэргэ түстүбүт. Суунан-тараанан, саҥардыы
кофебын иһэн истэхпинэ, хоһум төлөпүөнэ тырылыы түстэ. «Ан-
глийскай, эгэ японскай да тылы билбэт киһиэхэ хайалара эри-
йиэй, алҕас буоллаҕа», — диэн саныы-саныыбын, төлөпүөнү ыл-
бытым, дьоппуоннуу саҥардылар. Мух-мах буоламмын туруупка-
бын уурдум. Эмиэ хаттаан эрийдилэр. Дьоппуоннуу саҥа иһилин-
нэ. Мигалкин-сан диир курдуктарын иһин, быраатым Александры
бутуйдахтара диэн, төттөрү уураары гынан истэхпинэ, ким эрэ
күллэ уонна: «Уйбаан, уурума, доҕор, Бүөтүрбүн», — диэтэ. Он-
тукам П.С. Оконешников дьээбэлэммит эбит. Петр Семенович:
«Гостиница иһигэр төлөпүөннэһэргэ бастаан «6» сыыппараны,
онтон хос нүөмэрин баттыыгын», — диэн быһааран, сүбэлээн
биэрдэ. Мин ону истээт Николай Алексеевичка, Наталья Иванов-
наҕа, Саргылаана Васильевнаҕа эрийэммин, урут билбит киһи
сиэринэн дьоһумсуйа этитэлээтим, махталларын-баһыыбала-
рын ылаталаатым, «Дьоппуон тылын билэр доҕордоох үчүгэй
эбит», — бүччүм санааланным. Түүҥҥү Токионы көрөр эриэк-

318