Page 81 - Иван Мигалкин. Сүрэхтэн саҕыллар санаалар

— 1957 сыллаахха ССРС Суруйааччыларын сойууһугар чи-
лиэнинэн Иван Гоголевы, Афанасий Федоровы, Петр Тобуруока-
бы, Николай Габышевы кытта бииргэ ылыллыбытым. Оччолорго
Россия Суруйааччыларын сойууһа диэн суоҕа, ССРС Суруйаач­
чыларын сойууһун секретариата ылара. Билигин ССРС Суруй­
ааччыларын сойууһугар ылыллыбыт дьонтон Суорун Омоллоон
биһикки эрэ хааллыбыт. Сойууска бииргэ киирбит доҕотторбун
кытта, олохторун тиһэх күннэригэр диэри истиҥ, иһирэх сыһыан-
наах этим.
— Нуучча биллиилээх поэта Николай Глазков Эн хоһоон-
норгун элбэхтик тылбаастаабыт киһи. Кинини киһи уонна поэт
быһыытынан хайдах өйдүүгүнүй?
— Николай Глазков үтүө киһи этэ. Киһи судургута, көнөтө
диэн кини эбитэ буолуо. Москва суруйааччылара бары кини ата-
стара-доҕотторо этилэр. Евгений Евтушенко, Ярослав Смеляков,
Николай Старшинов, Михаил Луконин, Михаил Львов олус үчү-
гэйдик сыһыаннаһалларын өйдүүбүн.
— Эн өр кэмҥэ Семен Петрович Даниловтыын Саха сирин
Суруйааччыларын сойууһун быһаччы салайсыбытыҥ. Семен
Петровиһы салайааччы быһыытынан хайдах сыаналыыгыный,
бииргэ үлэлиир сылларгытыгар кимнээҕи үүннэрбиккитий, саха
литературата сайдарыгар туох үлэни ыыппыккытый?
— Семен Даниловы кытта 1947 сыллаахтан доҕордоспуппут.
1963 сылтан Суруйааччы сойууһун бырабылыанньатыгар бииргэ
үлэлээбиппит. Суруйааччылар сойуустара бөҕөргөөһүнүгэр, саха
литературата аан дойду таһымыгар тахсыытыгар Семен Петро­
вич уһулуччу үтүөлээх. Ол туһунан мин 2003 сыллаахха от ыйын
23 күнүгэр «Ил Түмэн» хаһыакка тахсыбыт «Семен Петрович
уһулуччу уратылара» диэн ыстатыйаҕа балачча сиһилии суруй-
бутум. Кини саха омук уһулуччу талаанынан аан дойду культура-
тын байытыһар кыахтаах диэн санаанан салайтаран, ону олоххо
киллэриини сыал-сорук оҥостон олох олорбут киһи.
— Биһиги көлүөнэ 70-с, 80-с сылларга литератураҕа күүспүтүн
холонор кэммитигэр эһиги тирэх-көмө, сүбэ-ама буолбуккут,
төрөппүт оҕолоргутугар курдук истиҥник сыһыаннаспыккыт, ол
да иһин буолуо, Николай Лугинов, Наталья Харлампьева, Егор
Неймохов биллиилээх суруйааччыларга тиийэ үүннүлэр. Би-
лиҥҥи көлүөнэ ыччаттартан тыыппалаахтар бааллар дуо? Эдэр
суруйааччылар сүбэ мунньахтара төһө көдьүүстээҕий?
— Дьиҥнээх талааннары булар, өйүүр сыалы-соругу туруору-
нан эдэр суруйааччылары түмэ тардарга үлэлээбиппит. Саҥат-
тан саҥа талааннар тахсан иһиилэрэ — литература кэскилэ.
77