Page 69 - Саха дьахталларыттан бастакы журналистка Мария Гаврильевна Бурцева

— астаабыт аһа сойорутган куттаммыт кэргэн дьахтар кыйаханна.
— Ааны сабыҥ, оҕо тымныйаары гынна, — диэн иһирдьэ хостон
дьахтар саҥата тыҥкынаата.
Ааннар сабылыннылар, киирбит туман тарҕаммытыгар көрдөххө:
торбос сонноох, кэннигэр тууйас хаппаҕын курдук абырахтаах тор-
бос ыстааннаах кыыс киирэн эмиэ оннук тирии таҥастаах оҕонньор
күлүгэр сөрөнөн куттанан кириҥнии турда.
Таһытган киирбит оҕонньор таҥараҕа үнтэ, дорооболосто — кэп-
сээҥҥит, диэтэ. Ким да хардары кэпсэппэтэ. Киһи баарга дылыта
да ханна эрэ элэс гыммыт. Оҕонньор этэрбэһин тыаһа чуучугураан
кэлэн баҕайы бааннаҕа электричество уота тыган сырдаппытын
көмүлүөк оһох диэтэ быһыылаах, илиитин ититгэ. “Ычча, ычча...”
— дии-дии улам чугаһаата. Ол икки ардыгар хостон биир нуучча
хотуна били мөҕө тоһуйбут кэргэн дьахтардыын тахсан кэллилэр.
— Но, Лука оҕонньор кэллиҥ дуу? Били кыыһыҥ бу дуу?
— Дорообо, хотун! Оҕом бу баар. Хотуой, кэл бэттэх, хотуҥнун
кытта кэпсэт.
Дьахтар көрөн турбахтаан баран:
— Күтүр кыратыын. Маны уоннаах диэбитиҥ дуо?
— Ээ, уонун аны саас туолуо. Уҥуоҕунан кыратын көрүмэ, хатан
бэйэлээх кыыс, — диэтэ оҕонньор.
— Чэ, кыыһы сибилигин сууйуҥ, таҥаһын таһырдьа быраҕыҥ
уонна миэхэ киллэрээриҥ, — диэн баран хотун иһирдьэ хоско кии­
рэн ырбаахытын тэллэҕэ тэлээрис гынна.
Кыыһы сонно сууйдулар. Лаҕыыр курдук сэрбэйбит баттаҕын
кырыйдылар. Ыраас ырбаахы, тимир дуу, мае дуу уллуҥахтаах этэр-
бэһи кэтэртилэр. Кэргэн дьахтар таҥыннаран бүтэрдэ. Аһыммыт
курдук кыыс диэки көрбөхтөөтө, бэйэтин уруккутун санаата быһыы-
лаах, бэрт дириҥник үөһэ тыынна уонна эттэ:
— Чэ тукаам хотуҥҥа киир. Мин суолбун солуур муҥнаах буо-
луоҥ. Мин да хаһан эрэ дойдубуттан бу эн курдук уу ньулдаҕай
муҥнаах киирбитим.
Кыыс иһирдьэ хоско киирэр аан диэки сукулдьуйда. Бу аан кини
туһугар били төрөөбүт үрэҕинээҕи “киэҥ суол аартыгын” тахсардаа-
ҕар кытаагга, бэрт кыбыстыынан боруогу атыллаан иһирдьэ киирдэ.
Өлүү болдьохтоох диэккэ дылы, утуйар хосторуттан сүүнэ бэйэлээх
куоска ойон тахсан иннигэр хорус гыммытыттан куттанан кини аан
кэтэҕэр сөрүөһүннэ. Дьиэлээхтэр күлүстүлэр. Сорохтор: “Куосканы
көрбөтөх баҕайы дуу”, — дэстилэр, сорохтор: “Чэ оҕоһут бөҕө буол-
су, бэйэтин оҕолотуон сөп көрүҥнээх” дэстилэр. Марыыҥка: “Ити
куоскалара эбит дуу, күтүр тугун баҕас улаханай, биһиги Алакаайы-
быт оҕотун саҕа, оттон мин Кыйкаҕым эмиэ куоска да ити куоска
чиэппэрин эрэ саҕа”, — диэн бэйэтин быыкаайык хара куоската
атаҕар сөрөнөн хаалбытын өйдөөн ытамньыйа сыста.
67