Page 144 - Былыр этэ диэххэ

йэҕин. Иллэрээ сыл атыыраттартан кырбанан соҕотох туран
хаалта үөрэх буолта эрэ суох.
Талахтаах саҥа түһэн эрэрэ. Арҕаа Атахтан Билиинэн Байда-
каан сиэнигэр диэри биир звено биирдии отунан эргэ сыһыы-
ны бата оттообута аттаах киһиэхэ хаамтарарыгар сынньалаҥаа...
Сииктээх сиргэ сылгы үөрэ аргыый хотоҕостуу субуһан хаампыта
тута ыллыкка кубулуйа дыргыйан тахсыбыт. Арҕаа атахтан төн-
нөн иһэн пааматынньык аттыттан бороҥ куобаҕы туруорбуппут
талах иһигэр тилэҕин тыаһа тибигирии турда. Онон куобахха
да, сылгыга да үчүгэй дьыл кэлиэх чинчилээх. Мантан Агит ту-
муһаҕынан Улахан Күрүөҕэ диэри атын звено оттообута. Андаа-
тар уйатыттан сэдиптээн Билииттэн уу балысханнык түһүүтүгэр
хайа сүүрбүтүттэн үөскээбит уһун синньигэс уу икки өттүгэр ку-
махха хаастарбыт саахтара, атахтарын суола бачах курдук. «Ноо,
хата манна эбит ээ — хааһы кэтэһиэххэ. Хойуу от иһиттэн би-
лии ортотунан налыахтаан кэлбит хаастары ама сыыһа сылдьыл-
лыыһы дуо?» — диэн, тылбытынан эрдэттэн эмис хааһы толору
хааланныбыт. Ол иһэн киһим эмискэ тоҕо барда: «Нохоо, «Охо­
та» сурунаалга хааһы итирдэн бултуулларын аахпытым. Хата аны
кэлиибитигэр испиирдээх кэлээр эрэ», — диэн киһим былаанын
кэпсии истэ. Мин эгэ эрэ, булка сылдьар баҕабын күөртүүр тү-
гэн көстүбүтүгэр күлүкпэр имнэнним. Бирээмэ атым үрдүгэр эк-
кирээн ыллым. Дьиҥэр испиирдэннэхпитинэ бэйэбит да итирээ
инибит диэн киһибин сэтэрии санаатарбын да кыттыстым. «Па-
рооста» итирик хааһы бултаабыт дьон, биирдэ сааны эспэккэ
сиэн төрдүгэр баар каркааспытыгар кэллибит.
Киһим саатын тоһутан хаатыгар уган, эбиитигэр куулунан эри-
йэн ат көлөһүнэ иҥэн дьэбиннирдибэт гына төргүүлэнэн иһэр.
Мин санныбын дьөлө баттата-баттата, саабын сүгэ сылдьабын. Мал-
быт-салбыт этэҥҥэ туралларын көрөн, астынан бөһүөлэктээтибит.
Аныгы кэлиибитигэр тыынан кэлэргэ болдьостубут. Тыынан да кэ-
лэр эрэйдээх. Сатахха миэхэ Хоспохтооххо тыым да суоҕа. Сааскы
куска мииммит тыым Илин Талахтаахха сытар. Онон эдьиийбит
эмээхсинтэн үс да киһини уйар далгыс улахан тыытын ньымаат-
таһан ылан, саҥарда кырааскалаан, тоҕус көлөһүммүн тоҕон соһон
киллэрдим. Балтараа биэрэстэ быһыы тыыны соһорго уулааҕын да
иһин хаамарга эрэйдээх. Бэлэмнэнэн баран олоруом дуо. «Остап
Бендербэр» төлөпүөнүнэн эрийбитим, ийэтэ ылла.
142