Page 147 - Былыр этэ диэххэ

кэннигэр салапааннары сылдьар 60 ботуруоммун ууруннум.
Тыым тумсугар үрүксээкпин бырахтым. Билиигэ тиийиэхпэр
диэри хаастар бааллара, саҥалара иһиллибэт. Бэл диэтэр кус
да саҥата аҕыраабыкка дылы. Кырыыга тиийэн эрдэхпинэ, күн
уота саҕахтан өндөйөөрү өҥөҥнүүрэ. Бэлиэлээх сирбинэн кии-
риибэр күн уота кылабачыйда. Сүрэҕим эрэ тыаһын истэр кур-
дукпун. Уубун өҥөйүөм иннинэ кумахха кустар төбөлөрө кыл-
бачыйан көһүннэ. Онтон лаппа өндөйөн, оҥхой иһинээҕи уубун
көрбүтүм, доҕоор, тобус-толору кус. Омун муҥутаан, туох да
толкуйа суох туһаайа-туһаайа ытыалаан биллэҕиннэртээтим.
Саам начаас икки ардыгар итийэн таҕыста. Кустарым көтөн тах-
сыах курдук гына-гына төттөрү түһэллэр. Биирдэ өйдөммүтүм,
кураанах батарантааһы убахтыы турар эбиппин. Дьэ кыһыы, са-
лапааннаах ботуруонум тыыбар хаалбыт. Сиргэ силлиир да түгэн
суох, көрдөхпүнэ, үгүс кус ходуһаттан тахсан хойуу от быыһы-
гар түһээри сарымтахтаналлар. Көрдүм-көрбөтүм, сүүрэн тии-
йэ-тиийэ атахпынан саба үктээн, тутан ыла-ыла төбөлөрүн саам
маһыгар кырбыыбын. Ол быыһыгар илиибэр бугул маһа тү-
бэспитигэр бугул маһынан эттэстим. Сарахачыппытынан ыраас
сиргэ, уу кырыытыгар кумахха элитэбин. Ийэ-хара көлөһүнүм
түһүөр диэри мөхсөн, дьэ өйдөнөн суппуун болтуобун устан
аҕылаабыппын аһарынным.
Куотар куотан бүппүтүн кэннэ биирдэ тохтуу түһэн тыын
ыллым. Өттүкпүттэн быһахпын ылан талах быстан, аны ууга
киирдим. Сорох кустар уу кырыытыгар төбөлөрүн ньолбоччу тут-
тан тыыннаах сыталларын маһынан төбөҕө охсо-охсо, кырыыга
элитэбин. Үөскэ сыталлары талаҕынан соһон син элбэҕи ороотум.
Кустарбын биир чөмөх мунньан көрдөххө, араас кус барыта баар.
Киһи илиитигэр биллэр эмис да кус. Хайдах да биир үрүсээк-
кэ батаран сүгэн илдьиэм суоҕуттан, быһа холуйан, икки аҥыы
быраҕаталаан биир чөмөҕү хааланан тыыбар киирдим. Тыым
кэннигэр ботуруонум бу сытар. Ылан тыым тумсугар элиттим...
Манна да бырахпаккабын, харбаан тахсыллыахтаах этэ. Оччоту-
гар быдан элбэҕи бултуохтаах киһи хааллаҕым. Кустарбын куу-
лунан саба быраҕаат иккистээн төнүннүм. Бу сырыыга санаабар
арыый да чэпчэки сүгэһэрдээх тыыбар кэллим. Уһун саппыкыга
ууну киллэрбэт эрэ курдук үөскэ тыыбын соһон, кэһэн киирэн
үрүсээктээх куспун ууруннум.
145