Page 86 - Бастыннартан бастакы

IV баһа
ҮЛЭНЭП ҮЙЭТИЙБИТ УРАТЫ КӨЛҮӨНЭ

Үлэ диэн утуө киһи,
Үйэлэргэ өлбөт мэҥэ,
Үлэ диэн киһи чиэһэ,
Өрөгөйдөөх уруҥ илгэ.
Семен Данилов «Үлэ»
Тугэх өбугэлэрбит «Кырдьаҕастан — алгыһын, эдэртэн — эйэтин ыл» диэн бэргэн этиилэрэ кун
бүгүн даҕаны суолтатын сутэрбэт. Кэннибитин хайыһан, ааспыт олоҕу анааран көрдөхпүтүнэ, кыр-
дьаҕас көлүөнэ олорон ааспыт олоҕун суолтата өссө ордук дириҥээн, эдэр дьону иитэр-үөрэтэр, олоххо
такайар өрүтэ үрдээн иһэр буолар эбит.
Күн бүгүн биһиги сыыппара үйэтин өнөйөн турар быыһык кэмнэ олоробут. Дойду үрдунэн олох
бары хайысхаларынан сүнкэн улахан уларыйыылар олус тынааһыннаахтык, утарыта турсуулаахтык
бара тураллар. Маннык кэмнэ улууспут хас биирдии олохтооҕо бэйэтин инники дьылҕатын оҥосторугар
аҕа көлуөнэ дьон ааспыт олоҕун үөрэтэрэ уонна онтон сөптөөх тумүк оносторо улахан суолталаах
буолуоҕа дии саныыбын.
Биир тылынан биһиги инникибит, нэһилиэкпит, улууспут салгыы сайдыыта бүгүҥҥү дьонтон —
бэйэбититтэн, кэнчээри ыччаппытын хайдах ким холобуругар иитэрбититтэн, кини өйүн-санаатын,
билиитин-көрүүтун хайдах такайан таһаарарбытыттан, иитэн-үөрэтэн олох олорорго бэлэмнээбит
оҕо дьоммут ис кыахтарыттан, олоххо дъулуурдарыттан улахан тутулуктаах буолуоҕа.
Ааспыт кэм барыта хаалыылаах, хараҥа, мөкү буолбатах этэ. Аҕа көлүөнэ дьоммут, ийэлэрбит-
аҕаларбыт ураты уустук, ол эрээри өрүү өрө тахсыылаах, үлэҕэ-хамнаска үрдүк ситиһиилэрдээх ча-
ҕылхай олоҕу олорон ааспыттара.
Кинилэр хаалларбыт суоллара-иистэрэ төһө дирикин, суолталааҕын кинигэҕэ киирбит архыып
докумуоннарыттан, Үлэ Дьоруойун Тайыла Буурсабы кытта бииргэ улэлээбит, алтыспыт дъон ахтыы-
ларыттан билсэн, ааҕааччы бэйэтэ сыаналыа.

85