Page 135 - Аржаков Степан Степан

Билигин урукку салайааччылары өрүү дьаһамсыйа-то-
йомсуйа эрэ сылдьыбыт дьон курдук көрдөрө сатыыллар.
Суох, оннук буолбатах этэ. Наһаа үлэһит, дойду, дьон-сэргэ
туһа диэн баран утуйар ууларын да умнубут, бар дьон
интэриэһэ кэһиллэр түбэлтэтигэр уот-кылыс да тыллары
сатаан саҥарар, тыйыс да дьаһаллары саараҥнаабакка
ылынар, ол быыһыгар судургулара киирдэҕинэ, олус борос-
туой майгылаах, дьиҥ-чахчы салайар дьон көмүс көлүөнэ-
лэрэ үлэлээн-хамсаан ааспыт быһыылаахтар.
Мин Ленин аатынан колхоз комсомольскай тэрилтэтин
секретарынан үлэлээбит кэммиттэн биир маннык түбэлтэ
өйбөр хатанан хаалбыт.
Ходороҕо баар дьиэбин атыылаабытым, ол харчыта
тиийбэккэ, өссө соҕотох ынахпытын туттаран ИЖ-56 мото-
циклы атыыласпытым. Тимир аттаммычча, уопсай дьыала
дии-дии күнүстэри-түүннэри сүүрт да сүүрт. Саппаас чаас,
бензин харчытын колхоз суотугар уйунуохха эҥин диэн са-
наа оччотооҕуга өйгө да охсуллубат.
Биирдэ мотоциклым көлөһөтө тыынын таһааран кэбистэ.
Күн арҕаалаан эрэрэ. Хайыамый, туһалаабат буолбут
көлөбүн тыаҕа анньан баран, сатыы Майалаатаҕым дии. Ха-
ра бөһүөлэгэр уулуссанан ааһан иһэн көрбүтүм, партия
райкомун иккис секретара С.С. Аржаков олбуорун иһигэр
сабыс-саҥа ИЖ-56 мотоцикла турар эбит. Степан Степано-
виһы төһө да чугастык бодоруспатарбын, мин өр толкуйдуу
барбакка, дьиэҕэ көтөн туһэр киһи буоллум. Аара суолга
моһуогурбуппун кэпсии түһэн бараммын, мотоциклгын ула-
рыс диэн көрдөстүм.
— Чэ, хайыахпытый, илтэҕиҥ дии. Только бүгүн аҕалаар,
сарсыарда эрдэ нэһилиэккэ барыахтаахпын, — диэтэ.
Собуоттаан олордум да, элэс гынан хааллым. Бэйэм мо-
тоциклбар тиийэн көлүөһэтин уларытан Лоомтукалаатым,
Онно тиийэн биир табаарыспын көрдөһөн төннөн,
көлөһөбүтүн төттөрү кэтэрдэн киэһэ хойутаан да буоллар,
С.С. Аржаковка махталы кытта мотоциклын аҕалбытым.
Сотору кэминэн Степан Степанович партия оройуон-
нааҕы комитетын бастакы секретарынан талыллыбыта. От-
тон мин комсомол оройуоннааҕы комитетын бастакы секре-
тара буолбутум.
Арай биирдэ Наахараҕа отчуоттуур-быыбардыыр комсо-