Page 136 - Аржаков Степан Степан

мольскай мунньахха толору массыына киһи таҕыстыбыт.
Мунньахпыт сынньалаҥ биэчэрдээх эҥин буолан, түүн үөһэ
Майалаатыбыт.Төннөн иһэн көр-күлүү, ырыа-тойук бөҕөбүт.
Суоппар штата көрүллүбэт этэ, онон бэйэм уруулга олоро-
бун.
Сарсыныгар Төҥүлүгэ отчуоттуур-быыбардыыр мунньах
буолуохтаах. Арай өйдөөбүппүт — комсомольскай тэрилтэ
секретарынан талыллыахтаах киһибит кандидатуратын
партия райкомугар сөбүлэһиннэрэ илик эбиппит. Аны
түүннэри Төҥүлүгэ ааһыахтаахпыт.
— Дабаай, Степан Степановичка дьиэтигэр тиийиэххэ, —
диэн буолла.
Тиийэн, тоҥсуйан, утуйа сытар дьону туруортаан наада-
бытын кэпсиир дьон буолан биэрдибит. Степан Степанович
адьас туох да буолбатаҕын курдук дьыалабыай баҕайытык
кэпсэттэ, туруорсар боппуруостарбытын быһаарда. Биһиги
тахсан эмиэ ыллыы-ыллыы Төҥүлү диэки тэптэрэ турдубут.
Бу ахтыыны суруйа олорон өссө биир түбэлтэни өйдөөн
кэллим. Мин үтүө доҕорум Петр Никифорович Дмитриев
биирдэ маннык кэпсээбиттээх. Петя оҕо эрдэҕиттэн олус
ырыаһыт, күөмэйэ хайа да киһи кутун-сүрүн долгутар
үтүөкэн көмүрүөлээх этэ. Онон оройуонҥа даҕаны, респуб-
ликаҕа даҕаны лауреат үөһэ лауреат буолара. Батыһан
үөрэммитэ буоллар, мин санаабар, саханы аатырдар
ырыаһыт хаала сылдьар.
Оччотооҕуга Петр Дмитриев, комсомол райкомун секре-
тара, күннээн ыллыы сылдьар кэмэ этэ. Арай биир фести-
вальга киниэхэ хара көстүүм наада буолбут. Оттон Петя он-
нук көстүүмэ суоҕа үһү. Туһугар кыһалҕа буолбут. Онуоха
уһуннук толкуйдуу барбакка, ол кэмҥэ Райсовет исполко-
мун культураҕа отделын сэбиэдиссэйэ С.С. Аржаков кэтэ
сылдьар көстүүмүн устан биэрбитэ үһү.
— Оруобуна сөп түбэстэ. Сценаҕа тахсар киһиэхэ
көстүүмэ куйаҕа буоллаҕа дии. Дьэ күннээтим ээ, — дии-
дии Петр Никифорович күлэн күһүгүрэтээччи.
Көр, урукку салайааччылар оннук судургу дьон этилэр.
Филипп Гаврильевич ОХЛОПКОВ,
СР норуотун хаһаайыстыбатын утүөлээх үлэһитэ,
ССРС Суруналыыстарын союһун чилиэнэ.
29.09.03