Page 138 - Аржаков Степан Степан

Сүрүн производствоҕа кадрдары аттаран туруоруу курдук
боппуруостары Степан Степанович биһигини кытта сүбэ-
лэһэн эрэ баран быһаарара. Үрдүкү тэрилтэлэргэ туруор-
сар боппуруостары эмиэ. Саҥа тэриллибит партийнай тэ-
рилтэҕэ арааһынай боппуруостары бюроҕа, пленумнарга
быһаарыыга тута өйдөспөт буолуулар, сороҕор хай-
дыһыылар да тахсаллара. Ону Степан Степанович хайдах
эрэ дьону өйдөтөн, ылыннаран эйэ-дэмнээхтик быһааран
кэбиһэрэ. Ол үлэлииргэ чэпчэтиини үөскэтэрэ.
Среднеленскэй оройуонугар үлэлиир сылларбытыгар ик-
ки оройуон колхозтарын холботолооһун кампанията барбы-
та. Ити алаас, үрэх уонна өрүс сирдээх колхозтар хаһаайыс-
тыбаннай, экономическай өттүнэн сайдыыларын дьүөрэ-
лээһиҥҥэ наадалааҕа. Чуолаан Нам Илин эҥэрдээҕи кол-
хозтарын: Көбөкөнү, Арбыны Уус Алдан Найахытын, 2-с Хо-
мустааҕын Баатаҕай нэһилиэгин кытта холбонуллубута. Бу
дьаһалы олоххо киллэриигэ кэмэ суох элбэх үлэни партком
миэстэтигэр ыыппыта. Ол курдук нэһилиэнньэ араас
араҥатын хабан партийнай, комсомольскай мунньахтар
ыытыллыбыттара. Кырдьаҕастар, дьахталлар, ыччаттар
мунньахтара эмиэ буолбуттара.
Бу эттэххэ дөбөҥ үлэ элбэх сыралаах үлэни эрэйэрэ.
Мин маҥнай Найахы-Көбөкөн холбоһууларыгар сылдьыбы-
тым. Сороҕор күҥҥэ 4-тэ дакылаат оҥорорум. Сороҕор
аһаҕастык утарсар, дьону буккуйан кураанах куолуну
оҥорооччулары кытта кытаанах анньыһыылар да буолалла-
ра. Ыарахан боппуруостар быһаарыллыыларыгар Степан
Степанович уонна мин сылдьарбыт.
1963-1964 сылларга, сатахха, Уус Алдан территорияты-
гар уот кураан туран, от олох үүммэтэҕэ. Онон уонна биир
оройуон буолбуппутунан сибээстээн, арҕаа эҥэр, урукку
Нам оройуонун хаһаайыстыбалара илиҥҥилэргэ оттуур си-
ринэн көмөлөһөллөрүгэр партия райкома боппуруоһу ту-
руорбута. Бу боппуруоһу олоххо киллэриигэ улахан ыара-
хаттар эмиэ үөскүү сылдьыбыттара. Саамай эрэнэр "Нам"
совхоһун салалтата ким-хайа иннинэ туран сир биэрэртэн
аккаастанан, быа түмүгүн ыйылыннары тардыбыта. Онон
боппуруоһу партия райкомун пленумугар туруоран биһиги
өйөбүлү ылбыппыт. Ол түмүгэр бу боппуруос эйэ-дэмнээх-
тик быһаарыллан, Среднеленскэй оройуон былааннаах