Page 137 - Аржаков Степан Степан

Үлэ үөһүгэр үүмм үтэ

Мин Степан Степанович Аржакову кытта икки оройуоҥҥа
партия райкомнарыгар үлэлээбитим.
Сэрии сылларыгар мин райкомолга секретарынан үлэ-
лиир кэммэр кини Тандаҕа оскуолаҕа үөрэнэрэ. 1944 сыл
бүтуүтүгэр ахсынньы ый тымныытыгар биэс көс сири сатыы
айаннаан, Бороҕоҥҥо киирэн райкомол бюротугар комсо-
мол чилиэнинэн ылыллыбыта.
Сэттэ кылаас кэнниттэн Дьокуускай куоракка киирэн тех-
никуму бүтэрэр. Онтон үргүлдьү кэриэтэ институкка кии-
рэр. 1952 сыллаахха учительскай институту бүтэрэн,
Мэҥэҕэ оскуолаҕа үлэлии тахсыбыта. Баардаах баара бата-
рыа дуо диэбиккэ дылы, оскуолаҕа уһуннук үлэлээбэтэҕэ.
Сотору оройуон салалтатыгар тахсыбытын истибиппит.
1963 сыл саҥатыгар Степан Степанович Мэҥэ Хаҥалас
курдук улахан оройуоҥҥа партия райкомун бастакы секре-
тарынан үлэлээбит, балайда уопуттаах киһи саҥа тэриллэр
Орто Лена оройуонугар кэлэн партийнай комитет бастакы
секретарынан талыллыбыта.
Саҥа тэриллибит оройуоҥҥа үлэ урукку структурата ула-
рытыллыбыта. Икки улахан оройуону холбоон тэриллибит
саҥа оройуоҥҥа тыа хаһаайыстыбатынан бөдөҥ аппараат-
таах производственнай управление дьарыктанар диэн буол-
та. Онтон советскай былаас тэриллиэҕиттэн толоруулаах
былаас аатырбыт сэбиэттэрбит исполкомнарын олох-
дьаһах боппуруостарынан дьарыктанаҕыт диэн салалтаттан
туоратыы буолбута. Дьиҥ дьыалаҕа, саҥа тэриллибит уп-
равление тыа хаһаайыстыбатынан соҕотоҕун дьарыктанар
уонна үлэни-хамнаһы тэрийэр кыаҕа суоҕа сотору көстү-
бүтэ. Онон оройуон үлэтин салайыы бүтүннүү партийнай
уоргаҥҥа сүктэриллибитэ.
1963 сыл атырдьах ыйыгар Степан Степанович кэлэн
миигин, совпартшколаны бүтэрээри сылдьар киһини, Орто
Лена парткомугар үлэҕэ ылабыт диэн ыҥыран, обкомҥа
илдьэ баран кэпсэтиһии оҥоһуллубута. Онтон алтынньы
ыйга миигин партком секретарын солбуйааччынан эбэтэр
үһүс секретарынан талларбыта. Дьэ итинтэн ыла Степан
Степанович биһикки бииргэ үлэлээһиммит саҕаламмыта.
Биһиги партком салалтата биир сүбэнэн үлэлиирбит.