Page 140 - Аржаков Степан Степан

элбэх уордьаннарынан, мэтээллэринэн наҕараадаламмыт-
тара.
1969 сыллаахха олохтоох сэбиэттэр быыбардарынан си-
бээстээн партия обкома миигин ыраах хоту Анаабыр
оройуонугар райисполком председателинэн ыыппыта. Ити
бэйэбэр туһуламмыт үлэҕэ тахсыыбар Степан Степанович
өйөбүлэ баара биллэр. Степан Степанович бииргэ үлэлээ-
бит дьоно үүнэллэригэр, үлэһит буолалларыгар куруутун
кыһанара, сорох салайааччылар курдук, баҕар, бу киһи
үүнэн-сайдан, уопутуран мин миэстэбин былдьыа диэн
эдэр кадрдары хаһан даҕаны таҥнары тарда сатаабат үтүө
хаачыстыбалааҕа. Холобур, В.И. Федоров быстах кэмҥэ
Уус Алдаҥҥа партия райкомугар иккис секретарынан үлэ-
лээн иһэн, ССКП КК иһинээҕи общественнай наукалар Ака-
демияларыгар барарга туруорсубутун өйөөбүтэ. Ити кэмҥэ
райисполком председателэ В.В. Румянцев эмиэ ССКП КК
иһинээҕи Үрдүкү партийнай оскуолаҕа үөрэххэ барбыта.
Уус Алдан партийнай тэрилтэтэ республикаҕа элбэх кадр-
дары бэлэмнээбитэ.
Уус Алдан оройуона норуот хаһаайыстыбатын бары са-
лаа көрүҥнэринэн 1975 сыллаахха диэри былааннарын
аһара толорон испитэ.
Степан Степановиһы кытта бииргэ үлэлиир сылларбар
үлэни тэрийиигэ кытаанах ирдэбили, итэҕэстэргэ эйэлэс-
пэт принципиальнай көрдөбүлү ким да диэки буолбакка ту-
руорууга үөрэммитим. Ону сорохтор тойомсуйуу курдук са-
ныыллара олох сыыһа. Ити кириитикэни сөбүлээбэт, бэйэ-
лэрин итэҕэстэрин билиммэт дьон өттүлэриттэн этиллэрэ.
Степан Степанович хаһан даҕаны ханнык да улахан
түһүлгэлэргэ: пленумнарга, сессияларга, конференциялар-
га бэйэтин эрэ харыстанаары бииргэ үлэлиир кадрдарын
түһэн биэрбэтэҕэ. Сорохтор курдук "бэйэҕит быһаарсыҥ"
диэн баран быар куустубат, куолуһуттартан куттанан
ньимийэн баран олорон биэрбэт этэ. Хайдах эрэ холкутук
дьону, делегаттары кытта өйдөһөн, дьыала ис хоһоонун
объективнайдык быһааран биэрэрэ. Мин Степан Степано-
виһы кытта бииргэ наһаа тапсан үчүгэйдик үлэлээбиппин
билигин да умнубаппын, ахтабын, саныыбын.
Павел Михайлович ПЕТРОВ,
Российскаи суолталаах псрсональнай пенсионер,
Анаабыр, Уус Алдан оройуоннарын бочуоттаах гражданиннара