Page 141 - Аржаков Степан Степан

Э ппиэтинэстээх уонна ирдэбиллээх
салайааччы
1968 сыллаахха Степан Степанович Москватааҕы Үрдүкү
партийнай оскуоланы бүтэрэн кэлбитэ. Оччолорго мин Уус
Алдан райкомун иккис секретарынан саҥардыы талыллан
үлэлээн эрэрим. Оройуон бары хаһаайыстыбаларыгар
сылдьан балаһыанньаны син билсэн испитим. Оччолорго
даҕаны дьон араас боппуруостарга кэпсэтэр, санааны атас-
таһар буолаллара. Ордук сааһырбыт дьон кадрдары атта-
ран туруоруу уонна кинилэр үлэлэрин-хамнастарын туһунан
интэриэһиргииллэрэ. Степан Степанович ханнык үлэҕэ ана-
ныан сөбүн туһунан балайда кэпсэтэллэрэ. Араас са-
баҕалааһын быыһыгар төттөрү Бороҕоҥҥо урукку үлэтигэр
— райком бастакы секретарынан кэлиэ диэн билгэлээһин
суох этэ. Урукку өттүгэр үс райкомҥа бастакы секретары-
нан үлэлээбит уонна үрдүк авторитеттаах иккис партийнай
үрдүк үөрэҕи бүтэрбит киһини республика салалтатыгар кэ-
лиэ диэн сиэрдээх өйдөбүл дьонҥо тарҕаммыт этэ. Ол эрээ-
ри ол таайыы табыллыбатаҕа.
Оччолорго кадры аттаран туруорааччы республика
үлэһиттэрин өттүттэн итинник анааран көрүүлэри кытта
аахсыбат бириэмэлэрэ этэ. Хайа, уонна улахан оройуон
бастакы секретарын дуоһунаһын мыына барыаҥ дуо, бары-
та төгүрүччү толкуйдаммыт курдуга.
Степан Степанович Уус Алдан райкомун бастакы секре-
тарынан талыллан кэлэн үлэлээн барбыта. Маннык түбэл-
тэҕэ оройуон иһигэр кадрдар хамсааһыннара, ким да кэл-
лин, хайаан да буолар. Райком урукку бастакы секретара
атын үлэҕэ ыытыллыбыта. Атын да хамсааһыннар буолбут-
тара. Ол дьон уларыйыыларын ыарыылаахтык ылыммытта-
ра. Онтукаларын хаатыйалыы сылдьан баран тоҕоостоох
кэмнэргэ биллэрэ тураллара. Ол иһин Степан Степанович
итинник быһыыны-майгыны ыраастааһыҥҥа, чэбдигирдии-
гэ элбэх күүһүн-уоҕун уурбута.
Степан Степанович төрөөбүт оройуонугар хайдах курдук
таһаарыылаахтык үлэлээбитин туһунан республика оччо-
тооҕу общественноһа бэркэ билэр, сыаналыыр этэ уонна
бэчээккэ да элбэхтик суруллубута.
Мин Степан Степановиһы кытта икки эрэ сыл бииргэ