Page 142 - Аржаков Степан Степан

үлэлээбитим. Ол да буоллар бэйэ-бэйэбитин билистэхпит,
кэлин даҕаны араас салааларга үлэлии сылдьаммыт билсэ-
көрсө турдахпыт дии. Бу 35 сыл тухары бииргэ алтыһан кэл-
бит киһи быһыытынан маннык бэлиэтээһиннэри оҥоруом
этэ: Степан Степанович партийнай үлэҕэ профессионал
быһыытынан үлэлээн, төрүт боппуруостары өтө көрүүтүнэн
уонна олоххо киллэриигэ дьулуурунан уратылааҕа. Бу
түмүгү мин ордук кини, гуманитарнай үөрэхтээх киһи, Рес-
публика хааччыйыыга государственнай комитетын предсе-
дателинэн таһаарыылаахтык үлэлээбитигэр олоҕуран этэ-
бин.
Степан Степанович отуттан тахса сыл үс райкомҥа бас-
такы секретарынан уонна республика саамай уустук салаа-
тын бастакы салайааччытын быһыытынан үлэлээн кэллэ.
Маннык улахан уонна эппиэтинэстээх дуоһунастарга үлэ тэ-
рээһинэ, кини туруга салайааччы бэйэтигэр уонна бииргэ
үлэлиир дьонугар ирдэбилиттэн элбэх тутулуктаах. Үрдүк
көрдөбүл киһи ис айылҕатыгар баар буоллаҕына ордук
көдьүүстээх. Степан Степанович бэйэтигэр уонна бииргэ
үлэлиир дьонугар биир тэҥ үрдүк ирдэбиллээх киһи. Ол
иһин кини ханна да үлэлээбитин иһин үчүгэй түмүктэри си-
тиһэр.
Степан Степанович бэйэтин үлэтин баай уопутун элбэх
дьону кытта үллэстибит киһи. Мин эмиэ ол дьон ахсааны-
гар киирэбин дии саныыбын. Кинини кытта бииргэ үлэлээ-
бит киһи элбэххэ үөрэнэр, ордук үлэҕэ бэриниилээх, эп-
пиэтинэстээх буолууга, коллективка дьиссипилиинэни ту-
туһууга, ылсыбыт дьыаланы тиһэҕэр тиэрдиигэ. Үлэҕэ
баҕалаах, дьоҕурдаах дьон киһи итинник үрдүк хаачыстыба-
ларын көрөн, бииргэ үлэлии сылдьан бэйэлэрэ үөрэнэллэр,
кини холобуругар тардыһаллар. Бу барыта мин кэлиҥҥи
үлэлэрбэр төрүт, тирэх буолбуттарыттан уонна Степан Сте-
пановиһы кытта кылгас да буоллар бииргэ үлэлээбиппиттэн
астынан туран киэн туттабын.
Василий Игнатьевич ФЕДОРОВ,
историческай наука доктора,
Саха АССР норуотун хаһаайыстыбатын үтүөлээх үлэһитэ