Page 149 - Аржаков Степан Степан

хааччыйаллара. Биһиги биригээдэбитигэр Монастырева
Евдокия Егоровна кыһамньылаахтык үлэлиирэ, оройуон
биир бастыҥ осеменатора буолбута.
Сүөһү аһылыгар үлэ күүскэ тэриллэрэ, ордук сүмэһин-
нээх аһылыгы — сиилэһи бэлэмнээһиҥҥэ. Сорох сыл он-
нооҕор түрүнүөпүс баар буолара. Ферма ахсын кормоцех
эбэтэр кормокухня тэриллэрэ. Онно анал звено үлэлиирэ.
Ынах көөнньөрбө сиэтэҕинэ үүтэ олус эбиллэрэ.
Типовой хотоннор тутуллар буолбуттара. Онно илии
ыарахан үлэтэ механизацияламмыта. Ынаҕы ыаһыҥҥа ав-
тодойка туруоруллара.
Сыл ахсын ыччат онус кылаас кэнниттэн производствен-
най практика быһыытынан комсомол путевкатынан үлэлии
кэлэрэ. Ыччат олорор, үлэлиир усулуобуйатын тэрийиигэ
эмиэ улахан көрдөбүл туруоруллара. Биһиги биригээдэҕэ
ыччат уунан ититиллэр уопсай дьиэҕэ олороро. Кинилэргэ
уопуттаах үлэһиттэртэн наставниктар сыһыарыллаллара.
Даалы диэн бэйэбит биригээдэбитигэр мин наставниктыыр
этим. Оҕолорбун кытта бииргэ олорорум, бииргэ аһыыр-
быт, бииргэ үлэлиирбит.
Үлэни үчүгэйдик тэрийиигэ социалистическай куота-
лаһыы олус улахан оруоллааҕа. Хас сыл ахсын үлэ араас
көрүҥнэригэр социалистическай куоталаһыы усулуобуйа-
лара саҥардыллан, тупсарыллан оҥоһуллаллара. Куота-
лаһыы түмүгэ кварталынан, сылларынан тахсан сырдатыл-
лан иһэрэ.
Райком салалтатынан колхозтар председателлэрэ, сов-
хозтар директордара, парткомнар, комскомнар секретар-
дара олус эппиэтинэстээхтик үлэлииллэрэ. Кинилэри про-
изводство хас биирдии көрүҥэр отчуоттатыы, хонтуруол-
лааһын системалаахтык оҥоһуллара. Оттон производство
дьиҥнээх командирдара — биригэдьиирдэр тустарынан этэ
да барбаппын. Кинилэр үлэлэрин утуйдахтарына эрэ умна
|үһэллэрэ дуу, суоҕа дуу. Оннук үлэһит этэ Даалы бири-
гэдьиирэ Петр Семенович Петухов. Ол иһин кинини биһиги
олус убаастыырбыт, этэрин истэрбит, толорорбут.
Партия райкома, кини бастакы секретара С.С. Аржаков
үлэни миэстэҕэ сылдьан көрөн-истэн тэрийсэллэрэ, хонту-
руоллууллара. Үлэһиттэри кытта кэпсэтэн, тылларын-